1 Samuel 14:45 - Marahay na Bareta Biblia

⁴⁵ Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.

1 Samuel 14:45 ပူးပေါင်းရင်းမြစ်များ

2 Samuel 14:11

Nagsabi an babae, “Pamibian man sa Kagurangnan na saimong Dios, na an sakong kadugo dai na magbalos tanganing an natatada kong aki dai na niya gadanon.” Nagsimbag si David, “Isinusumpa ko sa ngaran kan buhay na Kagurangnan na mayo maski sarong buhok kan aki mong lalaki an matatakdag sa daga.”

1 Mga Hade 1:52

Nagsabi si Solomon, “Kun patunayan niyang saro siyang marahay na tawo, maski sarong buhok sa saiyang payo dai matatakdag sa daga; alagad kun bako, magagadan siya.”

2 Mga Cronica 19:11

An Halangkaw na Padi na si Amarias iyo an igwa kan kapangyarihan manongod sa mga kasong relihiyoso; siring man si Zebadias na aking lalaki ni Ismael, an gobernador nin Juda, iyo an igwa kan kapangyarihan manongod sa mga kasong sibil. An mga Levita iyo an malingkod saindo bilang mga opisyal. Pakosogon nindo an saindong boot asin ibahan logod nin Kagurangnan an matanos!”

Nehemias 9:27

kaya tinugotan mong madaog saka masakop sinda kan saindang mga kaiwal. Dangan sa saindang kasakitan naghagad sinda saimo nin tabang, asin hale sa langit sinimbag mo sinda. Sa dakula mong pagkaherak nagpadara ka nin mga lider, na nagligtas sainda sa kamot kan saindang mga kaiwal.

Isaias 13:3

Pinaluwas na nin Kagurangnan an saiyang mapaabaw-abaw saka makokosog na mga soldados tanganing makilaban sa sarong banal na gera asin padusahan an saiyang mga naaanggotan.

Mateo 10:30

Dawa an buhok sa payo nindo, bilang niya.

Lukas 21:18

Alagad maski sarong buhok sa saindong payo dai mawawara.

Mga Gibo 14:27

Pag-abot sa Antiokia, tiniripon ninda an mga paratubod saka inosipan kan gabos na ginibo nin Dios sainda, asin kun paanong binuksan nin Dios an dalan nin pagtubod sa mga pagano.

Mga Gibo 15:12

Nag-alo an gabos mantang nagsasaysay si Bernabe asin si Pablo kan mga ngangalasan saka mga milagro na ginibo nin Dios sa mga pagano sa paagi ninda.

Mga Gibo 21:19

Kinomusta sinda ni Pablo; isinaysay niya sainda an gabos na ginibo nin Dios sa mga pagano sa paagi kan saiyang paglingkod.

Mga Gibo 27:34

Kaya magkakan kamo; kaipuhan nindo iyan nganing kumosog kamo, huli ta mayong mapapahamak saindo.”

Roma 15:18

Huli ta dai ako mangangahas na magtaram nin anoman, pwera kan ginibo ni Cristo huli sako, tanganing madara kong magkuyog an mga pagano sa Dios sa paagi nin mga tataramon, mga gibo,

1 Corinto 3:9

Pareho kaming mga trabahador nin Dios; kamo iyo an saiyang oma. Kamo man an edipisyo nin Dios.

2 Corinto 6:1

Kaya bilang mga kaiba sa paglingkod sa Dios, nakikimaherak kami saindo, na mga nag-ako kan biyaya nin Dios na dai nindo iyan pagsayangon.

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 19:14

Nagsunod saiya an mga hukbo nin langit, nakalunad sa mga puting kabayo saka nakagubing nin puti asin malinig na lino.

1 Samuel 11:13

Alagad nagsabi si Saul, “Mayo nin siisay man na gagadanon sa aldaw na ini, huli ta iyo ini an aldaw na ilinigtas nin Kagurangnan an Israel.”

1 Samuel 14:23

asin nakilaban sagkod sa ibong kan Bet-aven. Kan aldaw na idto, ilinigtas nin Kagurangnan an Israel.

1 Samuel 14:46

Pakatapos kaini, dai na ipinadagos ni Saul an paglamag sa mga Filisteo, asin an mga ini nagpuruli sa sadiri nindang daga.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”