1 Samuel 14:40 - Marahay na Bareta Biblia

⁴⁰ Dangan sinabihan ni Saul an mga tawo, “Magtirindog kamo gabos duman, asin matindog man kami ni Jonatan digdi.” “Giboha an pinaghohona mong marahay,” an simbag kan mga tawo.

1 Samuel 14:40 ပူးပေါင်းရင်းမြစ်များ

2 Samuel 15:15

Nagsimbag sinda, “Andam kami na gibohon an anoman na sabihon mo.”

1 Samuel 1:23

Nagsimbag si Elkana, “Giboha an pinaghohona mong marahay; digdi ka ngona sa harong sagkod na mabutas an aki. Itugot logod nin Kagurangnan na magkatotoo an saimong panuga.” Kaya nawalat sa harong si Hanna asin inataman an saiyang aki.

1 Samuel 14:36

Dangan sinabihan ni Saul an saiyang mga tawohan, “Magrulugsot kita dangan salakayon ta an mga Filisteo sa banggi; samsaman ta sinda sagkod mag-aga asin gadanon ta sinda gabos.” Nagsimbag an mga tawo, “Giboha an pinaghohona mong marahay.” Alagad nagsabi an padi, “Hapoton ta ngona an Dios.”

1 Samuel 14:39

Isinusumpa ko sa buhay na Kagurangnan, na nagliligtas sa Israel, na gagadanon an nagkasala, maski siya iyo an sakong aking si Jonatan.” Alagad mayo nin siisay man na nagsimbag ki Saul.

1 Samuel 14:41

Dangan nagsabi si Saul sa Kagurangnan, an Dios nin Israel, “Kagurangnan, tadaw ta dai mo ako sinimbag ngunyan na aldaw? O Kagurangnan, Dios nin Israel, simbagon mo ako sa paagi kan mga sagradong gapo. Kun si Jonatan o ako an may kasalan, simbagon mo ako huli sa Urim; alagad kun an kasalan yaon sa saimong banwaan nin Israel, simbagon mo ako huli sa Tummim.” An luminuwas na simbag iyo si Jonatan saka si Saul; mayo sa mga tawo an kasalan.

1 Samuel 14:7

Nagsimbag an hoben, “Giboha an nasa isip mo; kaiba mo ako.”