1 Samuel 14:36 - Marahay na Bareta Biblia

³⁶ Dangan sinabihan ni Saul an saiyang mga tawohan, “Magrulugsot kita dangan salakayon ta an mga Filisteo sa banggi; samsaman ta sinda sagkod mag-aga asin gadanon ta sinda gabos.” Nagsimbag an mga tawo, “Giboha an pinaghohona mong marahay.” Alagad nagsabi an padi, “Hapoton ta ngona an Dios.”

1 Samuel 14:36 ပူးပေါင်းရင်းမြစ်များ

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Isaias 58:2

Sinasamba ninda ako aroaldaw, asin sinasabi nindang boot nindang maaraman an sakong mga dalan saka mga pagboot. Sinasabi nindang boot nindang tawan ko sinda nin matanos na mga pagboot asin naoogma sinda sa pagsamba sako.”

Jeremias 6:5

Magsalakay kita pagkabanggi; raoton ta an mga bantayan kan syudad.”

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!

Josue 10:19

alagad dai kamo mag-ontok duman. Lamagon nindo an mga kaiwal, asin salakayon nindo sinda hale sa likodan; dai nindo pagtugotan na makalaog sinda sa saindang mga syudad! Itinao na saindo nin Kagurangnan na saindong Dios an kapangganahan laban sainda.”

Josue 11:14

Sinamsam kan mga Israelita an mga mahalagang kagamitan saka an mga hayop sa mga syudad na idto para sa sainda. Alagad ginadan ninda an mga tawo; mayo sindang itinadang buhay.

1 Samuel 1:23

Nagsimbag si Elkana, “Giboha an pinaghohona mong marahay; digdi ka ngona sa harong sagkod na mabutas an aki. Itugot logod nin Kagurangnan na magkatotoo an saimong panuga.” Kaya nawalat sa harong si Hanna asin inataman an saiyang aki.

1 Samuel 11:11

Pagkaagang amay, pinagtolong grupo ni Saul an saiyang mga tawohan, asin kan nagliliwanag na, sinalakay ninda an kampo kan mga Ammonita. Kan odto na, dakul na an nagkagaradan sa mga kaiwal; nawarak an mga natada, mala ta mayo nin duwa katawo na nakadulag pasiring sa parehong lugar.

1 Samuel 14:3

(An pading nagsusulot kan efod iyo si Ahias, na aking lalaki ni Ahitub na tugang ni Ikabod, na aki ni Finehas asin makoapo ni Eli, na padi nin Kagurangnan sa Shilo.) Dai naaraman kan saindang pag-iriba na naghale si Jonatan.