1 Samuel 14:3 - Marahay na Bareta Biblia

³ (An pading nagsusulot kan efod iyo si Ahias, na aking lalaki ni Ahitub na tugang ni Ikabod, na aki ni Finehas asin makoapo ni Eli, na padi nin Kagurangnan sa Shilo.) Dai naaraman kan saindang pag-iriba na naghale si Jonatan.

1 Samuel 14:3 ပူးပေါင်းရင်းမြစ်များ

1 Samuel 1:3

Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.

1 Samuel 14:36

Dangan sinabihan ni Saul an saiyang mga tawohan, “Magrulugsot kita dangan salakayon ta an mga Filisteo sa banggi; samsaman ta sinda sagkod mag-aga asin gadanon ta sinda gabos.” Nagsimbag an mga tawo, “Giboha an pinaghohona mong marahay.” Alagad nagsabi an padi, “Hapoton ta ngona an Dios.”

1 Samuel 2:18

Padagos man na naglilingkod kaidto si Samuel sa Kagurangnan, sulot an sarong linong efod.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.

1 Samuel 22:20

Alagad nakadulag si Abiatar, an saro kan mga aking lalaki ni Ahimelec, asin nagduman ki David.

1 Samuel 4:21

An aki nginaranan niyang Ikabod na an olay, “Naghale na an kamurawayan nin Dios sa Israel!” huli ta nabihag an Kaban nin Dios asin nagadan an saiyang panugangan saka an saiyang agom.

1 Samuel 4:4

Kaya nagsugo sinda nin mga lalaki pasiring sa Shilo dangan kinua duman an Kaban nin Tipan nin Kagurangnan na nasa tahaw kan mga kerubin. An duwang aking lalaki ni Eli na si Hofni asin si Finehas, nag-iba sa Kaban nin Tipan.