1 Samuel 14:24 - Marahay na Bareta Biblia

²⁴ Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.

1 Samuel 14:24 ပူးပေါင်းရင်းမြစ်များ

Salmo 18:47

Tinawan niya ako nin kapangganahan tumang sa sakong mga kalaban; pinasakop niya sako an mga nasyon,

Mga Talinhaga 11:9

Pwede kang maraot kan tataramon nin bakong diosnon na tawo, alagad an kadonongan kan matanos pwedeng magligtas saimo.

Levitico 27:29

Maski an sarong tawo na idinusay sa siring na paagi, dai pwedeng tuboson; dapat gadanon.

Levitico 5:4

Kun an sarong tawo pakaraw na magsumpa, minsan sa ano man na bagay, magkakasala siya sa oras na maaraman niya an saiyang naginibo.

Mga Bilang 21:2

Dangan nanuga an mga Israelita sa Kagurangnan: “Kun itutugot mong madaog mi an mga tawong iyan, tutunawon mi sinda sagkod an saindang mga syudad.”

Mga Bilang 5:21

gibohon ka logod nin Kagurangnan na sarong maldisyon sa saimong banwaan huli sa pagkunkon kan saimong kinabuhay asin sa pagbutog kan saimong tulak.

Roma 10:2

Makakapatotoo ako na talagang mga malodok sinda sa Dios, alagad an saindang pagkamalodok dai napapatugmad sa tunay na pakasabot.

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

Josue 6:26

Sa panahon na ini, nagtao si Josue nin sarong patanid: “Mamaldisyonon nin Kagurangnan an siisay man na magpatindog giraray kan syudad nin Jerico. Magagadan an matuang aking lalaki kan siisay man na magbugtak kan pundasyon kan syudad; Magagadan an ngohod na aking lalaki kan siisay man na magpatindog kan mga trangkahan kaiyan.”

Hukom 1:28

Kan dakul nang marahay an mga Israelita, inoripon ninda an mga tawong ini alagad dai man giraray ninda pinahale gabos.

Hukom 5:2

Pag-omawon an Kagurangnan! Desidido an mga Israelita sa pakilaban; nag-iba sinda na may kaogmahan.

1 Samuel 14:25

Nakaabot an mga tawo sa kadlagan asin nakanumpong nin kadakul na dugos.

1 Samuel 14:39

Isinusumpa ko sa buhay na Kagurangnan, na nagliligtas sa Israel, na gagadanon an nagkasala, maski siya iyo an sakong aking si Jonatan.” Alagad mayo nin siisay man na nagsimbag ki Saul.

1 Samuel 18:25

Pinagbotan sinda ni Saul na sabihan si David, “Dai man nagmamawot nin dote sa kasal an hade; an boot sana niya iyo an sanggatos na kaputol na kublit kan kinabuhay kan mga Filisteo, tanganing makabalos siya sa saiyang mga kaiwal.” (Iyo ini an plano ni Saul tanganing magadan si David kan mga Filisteo.)