1 Samuel 14:1 - Marahay na Bareta Biblia

¹ Sarong aldaw, sinabihan ni Jonatan an hoben na lalaking paradara kan saiyang armas, “Madya, magduman kita sa kampo kan mga Filisteo.” Alagad dai pinaisi ni Jonatan an ama niyang si Saul,

1 Samuel 14:1 ပူးပေါင်းရင်းမြစ်များ

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.

Hukom 14:6

Biglang pinakosog si Samson kan Espiritu nin Kagurangnan, kaya nagibo niyang baakon kan saiyang kamot an leon na garong sadit sanang kanding. Dai niya inosip sa saiyang mga magurang kun ano an ginibo niya.

Hukom 14:9

Kinua niya an dugos asin kinakan mantang naglalakaw siya. Nagduman siya sa saiyang ama saka ina dangan tinawan niya nin dugos asin kuminakan man sinda. Alagad dai niya sinda sinabihan na kinua niya an dugos hale sa bangkay kan leon.

Hukom 6:27

Kaya ipinag-iba ni Gideon an sampolo kan saiyang mga sorogoon asin ginibo niya an ipinagboot saiya nin Kagurangnan. Ginibo niya ini sa banggi huli ta takot siyang mahiling kan saiyang pamilya asin mga kahimanwa.

1 Samuel 13:2

Nagpili si Saul nin tolong ribong kalalakihan sa Israel; kaiba niya sa Micmas an duwang ribo, asin an sangribo pinaiba niya sa aki niyang si Jonatan duman sa Gibea, sa teritoryo kan tribu ni Benjamin. An ibang mga lalaki pinapuruli ni Saul sa saindang mga harong.

1 Samuel 13:22

Kaya kan aldaw na magkagera, mayo nin saro man sa mga soldados na Israelita an igwang espada o garod; si Saul asin si Jonatan sana an igwa.

1 Samuel 13:23

Nagpadara nin sarong grupo nin mga soldados an mga Filisteo sa dalan nin Micmas tanganing bantayan idto.

1 Samuel 14:2

na nagkakampo sa lindong nin sarong kahoy na granada duman sa Migron, harani sa Gibea, kaiba an haros anom na gatos na soldados.

1 Samuel 25:19

Dangan sinabihan niya an mga sorogoon, “Mag-enot na kamo asin masunod ako.” Alagad dai niya sinabihan an saiyang agom na si Nabal.