1 Samuel 13:6 - Marahay na Bareta Biblia

⁶ Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;

1 Samuel 13:6 ပူးပေါင်းရင်းမြစ်များ

2 Samuel 24:14

Nagsimbag si David ki Gad, “Masakit an kamugtakan ko! Alagad habo kong an tawo an magpadusa sako. An Kagurangnan iyo an magpadusa sako, huli ta dakula an saiyang pagkaherak.”

Isaias 42:22

Alagad sinamsaman ngunyan an saiyang banwaan; ibinilanggo saka tinago sa madiklom na mga bilanggoan. Hinabonan saka sinamsaman sinda, asin mayo nin siisay man na maligtas sainda.

Jeremias 41:9

An bubon na tinapokan ni Ismael kan mga bangkay kan mga lalaking ginadan niya, iyo an dakulang bubon na ipinakalot ni Hadeng Asa kan sinasalakay ini ni Baasa na hade nin Israel. An bubon pinano ni Ismael kan mga bangkay.

Ezekiel 33:27

“Sabihan mo sinda na ini an tataramon ko, an Kagurangnan Dios: Mantang ako an Dios na buhay, magagadan sa espada an mga nag-eerok sa rumpag na mga syudad. An mga nag-eerok sa kaomahan kakakanon kan mga lalaw na hayop. An mga nagtatago sa mga kabukidan saka mga lungib magagadan sa peste.

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.

Hebreyo 11:38

An kinaban bakong maninigo para sainda. Siring sa mga dayuhan, nakalakop sinda sa mga desyerto sagkod sa kabubuldan. Nag-erok sinda sa mga lungib asin sa mga kalot.

Josue 8:20

Kan magsalingoy an mga taga Ai, nahiling ninda an aso na nag-iitaas. Dai na sindang madudulagan, huli ta an mga Israelita na nagdurulag pasiring sa desyerto nagbaralik gabos tanganing labanan sinda.

Hukom 10:9

Nagbalyo pa sa Jordan an mga Ammonita tanganing labanan an mga tribu ni Juda, Benjamin, sagkod Efraim. Huli kaini, nagtios nin makuri an bilog na Israel.

Hukom 20:41

Dangan nagbalik an mga Israelita asin nataranta an mga Benjaminita huli ta naaraman ninda na madali na sindang magkagaradan.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

1 Samuel 13:15

Naghale si Samuel sa Gilgal asin nagduman sinda sa Gibea sa teritoryo ni Benjamin. Binilang ni Saul an gabos niyang soldados; haros seis syentos gabos.

1 Samuel 14:11

Kaya nagpahiling sinda sa mga Filisteo asin nagsarabi an mga ini, “Hilinga! Nagruluwas sa saindang mga pinagtatagoan na lungib an nagkapirang mga Hebreyo!”

1 Samuel 14:22

Nadangog kan mga Israelitang nagtatarago sa kabubuldan nin Efraim na nagdudurulag an mga Filisteo, kaya nagsabay man sinda sa pagsalakay,

1 Samuel 23:19

May nagkapirang taga Zif na nagduman ki Saul sa Gibea asin nagsumbong saiya, “Nagtatago sa samong teritoryo si David, duman sa Hores, sa Bukid nin Hakila, sa habagat na parte kan kalangtadan nin Judea.

1 Samuel 24:3

Nakaabot siya sa sarong lungib harani sa nagkapirang laoman nin mga karnero sa may dalan; naglaog siya sa lungib tanganing magkasilyas. Kan panahon na idto, si David asin an saiyang mga kairiba yaon duman nagtatago sa pinakaporong parte kan lungib.

1 Samuel 31:7

Kan mahiling kan mga Israelita na nag-erok sa ibong kan Kapantayan nin Jezreel asin kan nasa sirangan kan Salog nin Jordan na duminulag an hukbo nin Israel, dangan nagadan si Saul pati an mga aking lalaki kaini, binarayaan ninda an saindang mga banwa asin nagdurulag. Nag-arabot an mga Filisteo asin nag-erok sinda sa mga banwang idto.

1 Samuel 7:7

Kan madangog kan mga Filisteo na nagtiripon sa Mizpa an mga Israelita, nagruluwas an limang hade kan mga Filisteo kaiba an saindang mga soldados tanganing salakayon an Israel. Nabaretaan ini kan mga Israelita asin nagkatarakot sinda.