1 Samuel 13:13 - Marahay na Bareta Biblia

¹³ Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.

1 Samuel 13:13 ပူးပေါင်းရင်းမြစ်များ

Genesis 31:28

Tano ta dai mo sako pinahadokan an sakong mga makoapo asin mga aki bago kamo naghale. Sala an ginibo mo.

2 Samuel 24:10

Alagad pakatapos kan pagsenso ni David, nagbasol siya asin nagsabi siya sa Kagurangnan, “Nagkasala ako nin makuri huli kan ginibo kong ini! Nakikimaherak ako na patawadon mo ako sa kalolongan kong ini.”

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

1 Mga Cronica 10:13

Nagadan si Saul huli ta dai siya nagin maimbod sa Kagurangnan. Linapas niya an mga pagboot nin Kagurangnan; nakihumapot siya sa sarong espiritista sa paghagad nin kapaliwanagan,

2 Mga Cronica 16:9

Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

2 Mga Cronica 19:2

Alagad sarong propeta, si Jehu na aking lalaki ni Hanani, an nagsabat sa hade asin nagsabi, “Kaipuhan daw na tabangan mo an mga tampalasan asin apilan an mga naoongis sa Kagurangnan? Huli kan ginibo mong ini, maabot saimo an kaanggotan nin Kagurangnan.

An Libro ni Job 34:18

na minasabi sa sarong hade, ‘Mayo kang halaga,’ asin sa mga pamayo, ‘Maraot kang tawo’;

Mga Talinhaga 12:8

Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Mga Talinhaga 19:3

Huli sa kalolongan, rinaraot kan tawo an saiyang sadiri, dangan binabasol an Kagurangnan.

Isaias 39:5

Sinabihan ni Isaias an hade, “Hinanyoga an tataramon kan Kagurangnan nin mga hukbo:

Jeremias 18:10

alagad an nasyon na iyan dai magkuyog sako asin maggibo nin karatan, dai ko idadagos an sinabi kong gigibohon ko.

1 Samuel 1:22

Alagad dai nag-iba si Hanna. Sinabihan niya an saiyang agom, “Sa oras na mabutas an aki, dadarahon ko siya sa harong nin Kagurangnan asin duman na siya mag-eerok sa bilog niyang pagkabuhay.”

1 Samuel 13:12

nagsaboot akong, ‘Sasalakayon ako kan mga Filisteo digdi sa Gilgal asin dai ko pa nakukua an pagkaherak nin Kagurangnan.’ Kaya napiritan akong magdolot nin tinutong na atang.”

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 26:21

Nagsimbag si Saul, “Nagkasala ako. Magbalik ka David, aki ko! Dai na ako mag-iisip na gadanon ka, huli ta dai mo ako ginadan ngunyan na banggi. Nagin lolong ako, asin dakula an ginibo kong karatan!”