1 Samuel 13:12 - Marahay na Bareta Biblia

¹² nagsaboot akong, ‘Sasalakayon ako kan mga Filisteo digdi sa Gilgal asin dai ko pa nakukua an pagkaherak nin Kagurangnan.’ Kaya napiritan akong magdolot nin tinutong na atang.”

1 Samuel 13:12 ပူးပေါင်းရင်းမြစ်များ

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Amos 8:5

Nagsasaboot kamo, “Dai mi na mahahalat na matapos pa an mga banal na aldaw tanganing ipabakal an samong trigo. Nuarin kaya matatapos an Sabbath tanganing makatinda na kami? Dangan, lalangkawan mi an presyo kan samong paninda, magamit kami nin may dayang sukol saka dadayaon mi sa timbang an mga parabakal.

2 Corinto 9:7

Kaya an lambang saro dapat na magtao sosog sa saiyang pinagmarahay, bakong tumang sa boot o napipiritan sana, huli ta an Dios namomoot sa maogmang paratao.

1 Samuel 13:11

alagad naghapot si Samuel, “Ano an ginibo mo?” Nagsimbag si Saul, “Kan mahiling kong binabayaan ako kan mga tawo asin dai ka pa nag-abot sa talaan na panahon na itinao mo, dangan nagtiripon an mga Filisteo sa Micmas,

1 Samuel 13:13

Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.

1 Samuel 15:12

Kan sunod na aldaw, amay na nagmata si Samuel sa pagsabat ki Saul. Nabaretaan niya na nagduman si Saul sa Carmelo, sa lugar na pinatindogan niya nin sadiring monumento, dangan nagdagos sa Gilgal.

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.

1 Samuel 21:7

Kan aldaw na idto, yaon duman an pamayong pastor ni Saul na si Doeg, na taga Edom, huli ta kaipuhan otobon niya an sarong banal na panuga.)