1 Samuel 13:11 - Marahay na Bareta Biblia

¹¹ alagad naghapot si Samuel, “Ano an ginibo mo?” Nagsimbag si Saul, “Kan mahiling kong binabayaan ako kan mga tawo asin dai ka pa nag-abot sa talaan na panahon na itinao mo, dangan nagtiripon an mga Filisteo sa Micmas,

1 Samuel 13:11 ပူးပေါင်းရင်းမြစ်များ

Genesis 3:13

Hinapot nin Kagurangnan Dios an babae, “Tano ta ginibo mo ini?” Nagsimbag an babae, “Dinaya ako kan halas kaya nagkakan ako.”

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

2 Samuel 3:24

Kaya nagduman si Joab sa hade dangan nagsabi, “Ano an ginibo mo? Nagdigdi na saimo si Abner—tadaw ta tinugotan mo pang makahale?

2 Mga Hade 5:25

Naglaog giraray siya sa harong asin nagtindog sa atubangan ni Eliseo. Hinapot ni Eliseo si Gehazi, “Saen ka hale, Gehazi?” “Dai man ako naghale,” an simbag niya.

Isaias 10:28

Nasakop na kan hukbo kan kaiwal an syudad nin Ai! Nag-agi sinda sa Migron! Iwinalat ninda an saindang mga kagamitan sa Mikmas!

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”

1 Samuel 13:12

nagsaboot akong, ‘Sasalakayon ako kan mga Filisteo digdi sa Gilgal asin dai ko pa nakukua an pagkaherak nin Kagurangnan.’ Kaya napiritan akong magdolot nin tinutong na atang.”

1 Samuel 13:16

Nagkampo sa Geba sa teritoryo ni Benjamin si Saul asin an aki niyang lalaki na si Jonatan, kaiba an saindang mga tawohan; mantang an mga Filisteo nagkampo duman sa Micmas.

1 Samuel 13:2

Nagpili si Saul nin tolong ribong kalalakihan sa Israel; kaiba niya sa Micmas an duwang ribo, asin an sangribo pinaiba niya sa aki niyang si Jonatan duman sa Gibea, sa teritoryo kan tribu ni Benjamin. An ibang mga lalaki pinapuruli ni Saul sa saindang mga harong.

1 Samuel 13:23

Nagpadara nin sarong grupo nin mga soldados an mga Filisteo sa dalan nin Micmas tanganing bantayan idto.

1 Samuel 13:5

Nagtiripon an mga Filisteo tanganing labanan an mga Israelita; igwa sindang treynta mil na karwaheng panggera, anom na ribo na parakabayo, asin mga soldados na siring kadakul kan mga baybay sa tampi kan dagat. Nagduruman sinda sa Micmas, sa sirangan kan Bet-aven, asin duman nagkampo.

1 Samuel 14:5

An saro nasa parteng amihan kan dalan, nakaatubang sa Micmas, asin an saro nasa parteng habagat, nakaatubang sa Geba.