1 Samuel 12:7 - Marahay na Bareta Biblia

⁷ Tindog kamo sa saindong namumugtakan, asin susudyaon ko kamo sa atubangan nin Kagurangnan huli sa pagpagiromdom saindo kan mapangyaring gibo nin Kagurangnan sa pagligtas saindo asin sa saindong mga ginikanan.

1 Samuel 12:7 ပူးပေါင်းရင်းမြစ်များ

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Ezekiel 20:35

Dadarahon ko kamo sa ‘Kalangtadan nin mga Nasyon,’ asin hayag na kokondenaron ko kamo duman.

Mga Gibo 17:3

Nagpaliwanag siya saka nagpatunay sa mga tawo na an Cristo kaipuhan na magtios, magadan, dangan mabuhay liwat. Ini an sabi ni Pablo, “An Jesus na ini na ibinabareta ko saindo, iyo an Cristo.”

Hukom 5:11

Dangoga! An ribok kan nagtitiripon sa palibot kan mga bubon, nag-oosip kan kapangganahan nin Kagurangnan, kapangganahan kan banwaan nin Israel! Dangan nagmartsa pasiring sa saindang mga trangkahan an banwaan nin Kagurangnan.