1 Samuel 12:6 - Marahay na Bareta Biblia

⁶ Nagpadagos si Samuel, “An Kagurangnan an nagpili ki Moises saka ki Aaron; siya an nagluwas kan saindong mga ginikanan hale sa Egipto.

1 Samuel 12:6 ပူးပေါင်းရင်းမြစ်များ

Salmo 105:26

Dangan sinugo niya si Moises na saiyang sorogoon, asin si Aaron na saiyang pinili.

Salmo 105:41

Binuksan niya an sarong gapo, asin nagbulos an tubig, garo salog na nagbulos sa desyerto.

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Exodo 6:26

Si Aaron asin si Moises iyo an mga tawong tinaraman nin Kagurangnan na, “Pangenotan nindo an mga Israelita sa pagluwas sa Egipto.”

Exodo 6:27

Sinda an mga tawong nagsabi sa hade nin Egipto na patalingkason an mga Israelita.

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.