1 Samuel 12:15 - Marahay na Bareta Biblia

¹⁵ Alagad kun dai nindo hinanyogon an Kagurangnan, kundi lapason an saiyang mga togon, lalabanan niya kamo asin an saindong hade.

1 Samuel 12:15 ပူးပေါင်းရင်းမြစ်များ

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Josue 24:20

Kun talikodan nindo siya tanganing maglingkod sa dayuhan na mga dios, maaanggot siya saindo saka papadusahan niya kamo. Gagadanon niya kamo, maski ngani marahay siya kaidto sa saindo.”

Hukom 2:15

Kun nakikilaban sinda, kinakalaban sinda nin Kagurangnan siring sa saiyang sinabi; kaya dakula an saindang kahaditan.

1 Samuel 12:9

Alagad nalingawan kan mga tawo an Kagurangnan na saindang Dios, kaya pinabayaan niyang labanan dangan sakopon sinda kan mga Filisteo asin kan hade nin Moab saka ni Sisera na pamayo kan hukbo kan syudad nin Hazor.

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.