1 Samuel 12:11 - Marahay na Bareta Biblia

¹¹ Ipinadara nin Kagurangnan si Gideon, si Barak, si Jefta, dangan ako. Ilinigtas mi kamo, asin namuhay kamo sa katoninongan.

1 Samuel 12:11 ပူးပေါင်းရင်းမြစ်များ

2 Mga Hade 13:5

Pinadarahan niya an Israel nin sarong lider na iyo an nagpatalingkas sainda sa kamot kan Siria. Kaya an Israel namuhay sa katoninongan, siring kan dati.

1 Mga Cronica 7:17

Saro an aking lalaki ni Ulam: na iyo si Bedan. Iyo ini gabos an kapagarakian ni Gilead, na aki ni Makir asin makoapo ni Manases.

Hukom 4:6

Sarong aldaw, ipinaapod niya si Barak, na aking lalaki ni Abinoam kan syudad nin Kedes sa daga nin Neftali. Sinabihan niya si Barak, “Ini an pagboot saimo nin Kagurangnan: ‘Hale sa mga tribu ni Neftali asin ni Zabulon, kumua ka nin dyes mil na kalalakihan dangan pangenotan mo sinda pasiring sa Bukid nin Tabor.

Hukom 6:14

Dangan pinagbotan siya nin Kagurangnan, “Lakaw sa bilog mong kosog asin ligtasan sa mga Midianita an banwaan nin Israel. Ako mismo an minasugo saimo.”

Hukom 6:31

Alagad sinimbag ni Joas an gabos na nasa atubang niya, “Ano kamo, minatindog para ki Baal? Makikilaban kamo para saiya? Magagadan bago mag-aga an siisay man na mag-apil ki Baal. Kun si Baal sarong dios, bayaan nindong siya mismo an makilaban para saiya, huli ta altar niya an ginaba.”

Hukom 6:32

Poon kaidto, namidbid si Gideon sa ngaran na Jerubaal, huli ta nagsabi si Joas, “Palabana daw si Baal, huli ta altar niya an ginaba.”

Hukom 7:1

Sarong aldaw, amay na nagbangon si Gideon asin an saiyang mga tawohan dangan nagkampo sa may burabod nin Harod. An kampo kan mga Midianita idtoon sa kapantayan na nasa parteng amihan ninda, sa may bulod nin More.

Hukom 8:29

Nagpuli si Gideon sa sadiri niyang harong asin duman nag-erok.

Hukom 8:35

Dai na ninda nagiromdoman an gabos na karahayan na ginibo ni Gideon asin kan saiyang pamilya para sa Israel.

1 Samuel 3:20

Kaya an gabos na tawo sa Israel, magpoon sa sarong poro kan daga sagkod sa ibong na poro, nakaaram na si Samuel sarong tunay na propeta nin Kagurangnan.

1 Samuel 7:13

Kaya nadaog an mga Filisteo asin dai nanggad sinda tinugotan nin Kagurangnan na masakop an Israel mantang nabubuhay pa si Samuel.