1 Samuel 12:10 - Marahay na Bareta Biblia

¹⁰ Dangan nag-agrangay sinda sa Kagurangnan tanganing tabangan; olay ninda, ‘Nagkasala kami, Kagurangnan, huli ta nagtalikod kami saimo asin nagsamba sa mga ladawan ni Baal saka ni Astarte. Ligtasan kami sa samong mga kaiwal asin sasambahon mi ika.’

1 Samuel 12:10 ပူးပေါင်းရင်းမြစ်များ

Salmo 106:44

Alagad hiniling nin Kagurangnan an saindang kasakitan, asin dinangog an saindang inagrangay.

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Josue 13:31

Napasainda an kabanga kan Gilead, siring man an Astarot saka Edrei, an duwang pangenot na syudad kan kahadean ni Og sa Basan. Ini gabos itinao sa kabanga kan mga pamilyang gikan ki Makir na aki ni Manases.

Hukom 10:10

Dangan nag-agrangay an mga Israelita sa Kagurangnan asin nagsabi, “Nagkasala kami saimo huli ta nagtalikod kami saimo na samong Dios dangan nagsamba sa mga Baal.”

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.

Hukom 2:13

Nag-ontok sinda sa pagsamba sa Kagurangnan asin naglingkod sa mga Baal sagkod sa mga Astarte.

Hukom 3:15

Dangan nag-agrangay an mga Israelita sa Kagurangnan kaya nagsugo an Kagurangnan nin sarong lalaki na maligtas sainda. Siya si Ehud, sarong walahon na lalaki na aki ni Gera, na gikan sa tribu ni Benjamin. Sinugo si Ehud kan banwaan nin Israel pasiring ki Hadeng Eglon kan Moab dara an mga regalo para sa hade.

Hukom 3:7

Nalingawan nin Israel an Kagurangnan na saindang Dios; nagkasala sinda saiya asin nagsamba sa mga Baal sagkod sa mga Asera.

Hukom 3:9

Dangan nag-agrangay an mga Israelita sa Kagurangnan kaya nagsugo an Kagurangnan nin sarong lalaki na nagligtas sainda. Siya si Otniel na aking lalaki ni Kenaz na ngohod na tugang ni Caleb.

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.

Hukom 6:7

Kaya nag-agrangay sa Kagurangnan an banwaan nin Israel tanganing tabangan tumang sa mga Midianita.

1 Samuel 7:2

Nag-ontok sa Kiriat-jearim an Kaban nin tipan nin Kagurangnan sa halawig na panahon, mga beynteng taon. Sa panahon na idto, nag-agrangay sa Kagurangnan an gabos na Israelita.

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)