1 Samuel 11:14 - Marahay na Bareta Biblia

¹⁴ Dangan sinabihan ni Samuel an mga tawo, “Magduruman kita gabos sa Gilgal asin ipahayag ta giraray si Saul bilang satong hade.”

1 Samuel 11:14 ပူးပေါင်းရင်းမြစ်များ

2 Samuel 19:15

Sa pagbalik kan hade, sinabat siya sa Salog nin Jordan kan mga taga Juda, na nagduman sa Gilgal tanganing ibahan siya sa pagbalyo sa salog.

Amos 5:5

Dai kamo magduman sa Beer-sheba sa pagsamba. Dai nindo ako paghanapon sa Betel, huli ta an Betel mawawaraan nin halaga. Dai kamo magduman sa Gilgal huli ta itatapok an saiyang mga namamanwaan.”

1 Samuel 10:8

Maeenot ka sako sa Gilgal, saen tatagboon taka tanganing magdolot nin mga tinutong na atang asin atang para sa katoninongan. Halaton mo ako duman sa laog nin pitong aldaw sagkod na mag-abot ako, dangan sasabihan taka kan gigibohon mo.”

1 Samuel 12:1

Dangan sinabihan ni Samuel an mga Israelita, “Ginibo ko na an hinagad nindo sako. Tinawan ko na kamo nin hade;

1 Samuel 5:3

Amay pa kan sunod na aldaw, nahiling kan mga taga Asdod na an estatwa ni Dagon nakadapa sa daga, sa atubangan kan Kaban nin Tipan nin Kagurangnan. Kaya binuhat ninda an estatwa asin ibinalik sa dating namumugtakan.

1 Samuel 7:16

Taon-taon, naglilibot siya sa mga syudad nin Betel, Gilgal, asin Mizpa tanganing hukoman an mga kaso sa mga lugar na idto.