1 Samuel 11:13 - Marahay na Bareta Biblia

¹³ Alagad nagsabi si Saul, “Mayo nin siisay man na gagadanon sa aldaw na ini, huli ta iyo ini an aldaw na ilinigtas nin Kagurangnan an Israel.”

1 Samuel 11:13 ပူးပေါင်းရင်းမြစ်များ

2 Samuel 19:22

Alagad nagsabi si David ki Abisai asin sa tugang kaining si Joab, “Siisay an naghagad saindo nin hatol? Kamo an matao sako nin problema? Ako na an hade sa Israel ngunyan, asin mayong magagadan na Israelita ngunyan na aldaw.”

2 Samuel 19:23

Sinabihan kan hade si Simei, “Isinusumpa ko na dai ka gagadanon.”

2 Samuel 23:10

alagad dai naghiro si Eleazar; linabanan niya an mga Filisteo sagkod na panluyahon an saiyang kamot asin dai na niya nabubutasan an saiyang espada. Dakulang kapangganahan an ipinahiling nin Kagurangnan kan aldaw na idto. Pakatapos kan ralaban, nagbalik an mga Israelita sa namumugtakan ni Eleazar tanganing hurubaan kan gubing sa pakilaban an mga nagkagaradan.

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Exodo 14:30

Kan aldaw na iyan, an banwaan nin Israel ilinigtas nin Kagurangnan sa mga Egipcio; nahiling ninda an mga gadan na Egipcio sa baybayon kan dagat.

Isaias 59:16

Nahiling niya na maski saro mayo nin minatabang sa naaapi. Kaya gagamiton niya an sadiri niyang kapangyarihan sa pagligtas sa mga naaapi asin tanganing manggana siya.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Samuel 10:27

Alagad igwa nin mayong halagang mga tawo na nagsarabi, “Paano kita ikakaligtas kan tawong ini?” Pinag-olog-olog ninda si Saul asin dai ninda dinarahan nin ano man na regalo, alagad dai sana naggirong si Saul.

1 Samuel 14:45

Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”