1 Samuel 11:11 - Marahay na Bareta Biblia

¹¹ Pagkaagang amay, pinagtolong grupo ni Saul an saiyang mga tawohan, asin kan nagliliwanag na, sinalakay ninda an kampo kan mga Ammonita. Kan odto na, dakul na an nagkagaradan sa mga kaiwal; nawarak an mga natada, mala ta mayo nin duwa katawo na nakadulag pasiring sa parehong lugar.

1 Samuel 11:11 ပူးပေါင်းရင်းမြစ်များ

Genesis 22:14

Kaya an lugar na idto nginaranan ni Abraham “An Kagurangnan Nagtatao.” Sagkod ngunyan an mga tawo nagsasabi, “Sa bulod nin Kagurangnan, siya nagtatao.”

2 Samuel 18:2

Pakatapos, isinubol niya sinda sa tolong grupo sa pamamahala ni Joab, ni Abisai na tugang na lalaki ni Joab asin ni Ittai na taga Gat. Sinabihan kan hade an saiyang mga tawohan, “Maiba ako saindo.”

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Exodo 14:24

Kan maaga na, an mga Egipcio dinungaw nin Kagurangnan hale sa harigi nin kalayo asin nin panganoron dangan tinakot niya sinda.

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

Hukom 4:16

Linamag ni Barak an mga karwahe saka hukbo ni Sisera sagkod sa Haroset-hagoiim. Nagkagaradan an bilog na hukbo ni Sisera; mayo nin natada maski saro.

Hukom 7:16

Binaranga niya an tres syentos niyang tawohan sa tolong grupo asin an lambang saro sainda tinawan niya nin tig-sararong trompeta saka dulay na igwa nin karaba sa laog.

Hukom 7:20

Inarog sinda kan duwa pang grupo. Kapot ninda gabos sa saindang mga walang kamot an mga karaba, asin sa too an saindang mga trompeta. Nagkurahaw sinda gabos, “Sarong espada para sa Kagurangnan asin para ki Gideon!”

Hukom 9:43

kaya ipinag-iba niya an saiyang mga tawohan, pinagtolong grupo, dangan nagtago sa mga oma tanganing maghalat. Kan mahiling niyang nagruluwas an mga tawo sa syudad, nagluwas siya sa saiyang pinagtatagoan tanganing gadanon sinda.

1 Samuel 11:2

Nagsimbag si Nahas, “Makikipagtipan ako saindo sa sarong kondisyon: huhulwaton ko an saindong toong mata tanganing masopogan an bilog na Israel.”

1 Samuel 14:47

Kan nagin hade si Saul sa Israel, nakilaban siya sa gabos niyang kaiwal sa manlaen-laen na lugar: sa mga Moabita, sa mga Ammonita, saka sa mga Edomita, sa mga hade kan Zoba asin sa mga Filisteo. Saen man nakilaban si Saul, nanggana siya.