1 Samuel 11:1 - Marahay na Bareta Biblia

¹ Pakalihis nin haros sarong bulan, pinangenotan ni Hadeng Nahas kan Ammon an saiyang hukbo asin sinalakay an banwaan nin Jabes sa teritoryo nin Gilead. Sinabihan si Nahas kan mga taga Jabes, “Makipagtipan ka samo, asin paglilingkodan mi ika.”

1 Samuel 11:1 ပူးပေါင်းရင်းမြစ်များ

Genesis 26:28

Nagsimbag sinda, “Nahiling mi ngunyan na kaiba mo an Kagurangnan, kaya samong naisip na dapat magkaigwa kita nin kontrata

2 Samuel 10:1

Dai nahaloy, nagadan si Nahas na hade nin Ammon. Si Hanun na aki niyang lalaki iyo an nagsalihid saiya bilang hade.

2 Samuel 10:2

Nagsabi si David, “Makikipagkatood ako ki Hanun, siring kan ginibo sako kan saiyang ama.” Kaya nagpadara si David nin mga sugo sa pagpahiling nin pakidumamay. Pag-abot ninda sa Ammon,

2 Samuel 17:27

Pag-abot ni David sa Mahanaim, sinabat siya ni Sobi na aking lalaki ni Nahas na taga Rabba sa Ammon, ni Makir, na aking lalaki ni Ammiel na taga Lodebar, asin ni Barzillai, na taga Rogelim sa Gilead.

2 Samuel 2:5

nagpadara siya nin mga lalaki duman tanganing magsabi, “Bendisyonan logod kamo nin Kagurangnan huli kan pagpahiling nindo kan saindong kaimbodan sa saindong hade sa paglubong saiya.

1 Mga Hade 20:34

Nagsabi saiya si Ben-hadad, “Ibabalik ko saimo an mga syudad na kinua kan sakong ama sa saimong ama. Pwede kang magpatindog nin mga tindahan sa Damasco, arog kan ginibo kan sakong ama sa Samaria.” Nagsimbag si Ahab, “Sa siring na mga kondisyon, tatalingkasan taka.” Nakipagtipan si Ahab ki Ben-hadad dangan pinahale na niya.

1 Mga Cronica 10:11

Kan madangog kan mga taga Jabes-gilead an ginibo kan mga Filisteo ki Saul,

1 Mga Cronica 10:12

nagduruman an mga maiisog na lalaki, kinua ninda an bangkay ni Saul asin kan saiyang mga aking lalaki dangan dinara sa Jabez. Ilinubong ninda an mga tolang sa irarom kan sarong hamurawon na kahoy duman sa Jabez. Pagkatapos, nag-ayuno sinda sa laog nin pitong aldaw.

An Libro ni Job 41:4

Makikipagtipan daw siya saimo na sagkod pa man paglilingkodan ka niya?

Exodo 23:32

Dai kamo makipagtipan sa sainda o sa saindang mga dios-dios.

Isaias 36:16

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy patin mag-inom nin tubig hale sa sadiri nindang bubon

Jeremias 40:11

Nabaretaan man kan gabos na Israelita na yaon sa Moab, Ammon, Edom, asin sa iba pang daga, na tinugotan kan hade nin Babilonia na mag-erok sa Juda an nagkapirang Israelita asin na ginibo niya si Gedalias bilang gobernador ninda.

Jeremias 40:14

Nagsabi sinda, “Dai mo naaraman na si Ismael sinugo ni Hadeng Baalis nin Ammon tanganing gadanon ka?” Alagad dai nagtubod sainda si Gedalias.

Ezekiel 17:13

Kinua niya an saro sa mga pamilya kan hade, nakipagtipan digdi dangan pinasumpa na ini magigin maimbod saiya. Ginibo niyang bihag an mga ginagalangan na lalaki

Deuteronomio 23:3

“An mga Ammonita o mga Moabita, saka an saindang kapagarakian sagkod sa ikasampolong henerasyon, dai pwedeng ibilang sa banwaan nin Kagurangnan.

Hukom 10:7

Huli kaini, naanggot sainda an Kagurangnan asin tinugotan niyang sakopon sinda kan mga Filisteo asin kan mga Ammonita.

Hukom 11:4

Nag-agi an panahon dangan nakigera an mga Ammonita sa mga Israelita.

Hukom 21:8

Kan maghapot sinda kun igwang mga grupo sa mga tribu nin Israel na dai nagduman sa pagtiripon sa Mizpa, naaraman ninda na mayong nagduman hale sa Jabes sa Gilead,

1 Samuel 12:12

Alagad kan mahiling nindo na sasalakayon kamo ni Hadeng Nahas nin Ammon, hinaboan nindo an Kagurangnan bilang saindong hade dangan sinabihan nindo ako, ‘Boot ming magkaigwa nin sarong hade na masakop samo.’

1 Samuel 14:47

Kan nagin hade si Saul sa Israel, nakilaban siya sa gabos niyang kaiwal sa manlaen-laen na lugar: sa mga Moabita, sa mga Ammonita, saka sa mga Edomita, sa mga hade kan Zoba asin sa mga Filisteo. Saen man nakilaban si Saul, nanggana siya.