1 Samuel 10:5 - Marahay na Bareta Biblia

⁵ Dangan magduman ka sa Bulod nin Dios sa Gibea, sa pinagkakampohan kan mga Filisteo. Sa paglaog mo sa banwa, masasabat mo an sarong grupo nin mga propeta na naglulugsot hale sa altar na nasa bulod, na nagtutugtog nin arpa, tamborin, plawta, saka lira asin nagpopropesiya.

1 Samuel 10:5 ပူးပေါင်းရင်းမြစ်များ

1 Mga Hade 18:29

Nagpadagos sinda kan makosog na pag-apod ki Baal sagkod alas tres nin hapon; alagad mayo nin nagsimbag asin mayo nin nagdangog.

2 Mga Hade 2:15

Kan mahiling ini kan mga propetang taga Jerico, nagsabi sinda, “An kapangyarihan ni Elias yaon na ki Eliseo!” Nagdolok sinda sa pagsabat ki Eliseo asin nagdarapa sa saiyang atubang.

2 Mga Hade 2:3

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo. “Alagad mag-alo sana kamo.”

2 Mga Hade 2:5

Sarong grupo nin mga propeta na nag-eerok duman an nagdolok ki Eliseo saka naghapot, “Aram mo daw na an saimong kagurangnan kukuahon na nin Kagurangnan ngunyan na aldaw?” “Iyo, aram ko,” an simbag ni Eliseo, “Alagad mag-alo sana kamo.”

2 Mga Hade 2:7

asin singkwenta kan mga propeta an nagsunod sainda pasiring sa Jordan. Nag-ontok si Elias saka si Eliseo sa tampi kan salog, asin nagtindog sa horoharayo an singkwentang propeta.

2 Mga Hade 3:15

Ikua nindo ako nin sarong paratugtog.” Mantang nagtutugtog ini sa saiyang arpa, nag-abot ki Eliseo an kapangyarihan nin Kagurangnan.

2 Mga Hade 4:38

Kan magkaigwa kaidto nin makuring gutom sa Gilgal, nagbalik duman si Eliseo. Mantang tinutukdoan niya an sarong grupo nin mga propeta, nagsabi siya sa saiyang sorogoon, “Isapna mo an dakulang koron asin iluto mo nin kakanon an mga propetang ini.”

2 Mga Hade 6:1

Sarong aldaw, nagsabi ki Eliseo an sarong grupo nin mga propeta, “Sadit nang marahay an lugar na pinag-eerokan nyato!

1 Mga Cronica 11:16

Yaon kaidto si David sa sarong bantayan, asin sinakop na kaidto nin sarong grupo nin mga Filisteo an Betlehem.

1 Mga Cronica 13:8

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Dios. Nagturugtog sinda nin mga lira, mga arpa, mga tamborin, mga gimbal, asin mga trompeta.

1 Mga Cronica 16:42

Si Heman saka si Jedutun iyo an mamahala kan mga trompeta, mga gimbal asin iba pang mga instrumento na gagamiton para sa mga banal na awit. An mga aking lalaki ni Jedutun iyo an mamamahala kan mga trangkahan.

1 Mga Cronica 16:5

Si Asaf an ibinugtak na pamayo, asin si Zacarias bilang saiyang katabang. Si Jeiel, Semiramot, Jehiel, Matitias, Eliab, Benaias, Obed-edom, asin Jeiel iyo an matugtog kan mga arpa asin lira, mantang si Asaf iyo an mapatanog kan mga trompeta sa atubangan kan Kaban nin Tipan.

Salmo 49:4

Dadangogon ko an mga talinhaga asin ipapahayag an saindang kahulogan mantang nagtutugtog ako sa lira.

Salmo 92:3

sa tugtog nin plawta asin nin arpa asin sa tanog nin lira.

1 Corinto 14:1

Hingowahon nindo na magkaigwa kamo nin pagkamoot; siring man mawoton nindo an mga balaog na espiritwal, orog nang gayo an pagpropesiya.

1 Samuel 10:10

Pag-abot ni Saul asin kan saiyang sorogoon sa Gibea, sinabat siya nin sarong grupo nin propeta. Dangan nagdatong saiya an espiritu nin Dios, asin nagsabay siya sainda sa pagpropesiya.

1 Samuel 10:4

Mataong galang sinda saimo asin maalok nin duwang pedasong tinapay, na saimong aakoon.

1 Samuel 13:2

Nagpili si Saul nin tolong ribong kalalakihan sa Israel; kaiba niya sa Micmas an duwang ribo, asin an sangribo pinaiba niya sa aki niyang si Jonatan duman sa Gibea, sa teritoryo kan tribu ni Benjamin. An ibang mga lalaki pinapuruli ni Saul sa saindang mga harong.

1 Samuel 13:3

Ginadan ni Jonatan an pamayo kan mga Filisteo sa Geba, asin nabaretaan ini kan gabos na Filisteo. Dangan nagpadara si Saul nin mga sugo sa bilog na daga tanganing apodon an mga Hebreyo sa pakigera huli sa pagpatanog kan trompeta sa bilog na daga.

1 Samuel 19:20

kaya nagsugo siya nin nagkapirang lalaki tanganing dakopon si David. Kan mahiling kan mga sinugo an grupo nin mga propeta na nagsasarayaw asin nagkukurahaw sa kaibahan ni Samuel, nag-abot sainda an espiritu nin Dios, asin nagpoon man sindang magsarayaw saka magkurahaw.

1 Samuel 9:12

Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”