1 Samuel 10:26 - Marahay na Bareta Biblia

²⁶ Nagpuli man si Saul sa harong niya sa Gibea, asin inibahan siya nin nagkapirang maiisog na lalaki na an mga puso hiniro nin Dios.

1 Samuel 10:26 ပူးပေါင်းရင်းမြစ်များ

2 Samuel 21:6

Kaya itao mo samo an pito kan saiyang mga lalaking kapagarakian, asin sa atubangan nin Kagurangnan, bibitayon mi sinda sa Gibeon, sa sadiring banwa ni Saul, an piniling hade nin Kagurangnan.” Nagsimbag an hade, “Itatao ko sinda saindo.”

Esdras 1:5

Dangan an mga pamayo kan kamaganakan ni Juda asin ni Benjamin, an mga padi saka mga Levita, asin an lambang saro na an puso hiniro nin Dios, nag-andam sa pagbalik sa Jerusalem asin sa paghirahay kan Templo nin Kagurangnan duman.

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Isaias 10:29

Nakalampas na sinda sa hayakpit na dalan asin sa Geba sinda nagpapalihis nin banggi! Nagkakatarakot an mga tawo sa banwaan nin Rama; nagdurulag na an mga tawo sa banwaan ni Hadeng Saul na iyo an Gibea.

Mga Gibo 13:48

Pagkadangog kaini, naogma an mga pagano, asin pinamuraway ninda an tataramon nin Dios; dangan nagturubod an mga pinili para sa buhay na daing kataposan.

Mga Gibo 7:10

tinabangan siya sa gabos niyang kasakitan. Tinawan siya nin Dios nin kadonongan kan mag-atubang siya sa Faraon, an hade nin Egipto. Kaya ginibo siya kaini na gobernador sa Egipto asin sa gabos niyang pagsadiri.

Josue 18:28

Zela, Haelef, Jebus, (o Jerusalem), Gibea, asin Kiriat-jearim: katorseng syudad gabos, kaiba an mga banwa sa palibot kan mga iyan. Iyo ini an daga na itinao bilang pamana sa mga pamilya kan tribu ni Benjamin.

Hukom 20:14

Nagtiripon sa Gibea an mga Benjaminita hale sa manlaen-laen na syudad tanganing labanan an ibang mga Israelita.

1 Samuel 11:4

Kan an mga sinugo makaabot sa Gibea, sa pinag-eerokan ni Saul, inosip ninda sa mga tawo an bagay na ini, kaya naghiribi an mga tawo.

1 Samuel 13:2

Nagpili si Saul nin tolong ribong kalalakihan sa Israel; kaiba niya sa Micmas an duwang ribo, asin an sangribo pinaiba niya sa aki niyang si Jonatan duman sa Gibea, sa teritoryo kan tribu ni Benjamin. An ibang mga lalaki pinapuruli ni Saul sa saindang mga harong.

1 Samuel 15:34

Dangan nagpasiring sa Rama si Samuel, asin nagpuli man sa Gibea si Saul.