1 Samuel 10:22 - Marahay na Bareta Biblia

²² Kaya naghapot sinda sa Kagurangnan, “Igwa pa daw nin iba?” Nagsimbag an Kagurangnan, “Yaon duman si Saul, nagtatago sa likod kan mga kagamitan.”

1 Samuel 10:22 ပူးပေါင်းရင်းမြစ်များ

Genesis 25:22

Kambal an ipinagbabados ni Rebecca asin naggugumulan an mga ini sa saiyang tulak. Nagsabi si Rebecca, “Tano ta nangyayari sako an siring kaini?” Kaya naglakaw siya tanganing hapoton an Kagurangnan.

2 Samuel 2:1

Pakatapos kaini, naghapot si David sa Kagurangnan, “Dapat daw na magtukad ako pasiring sa arin man kan mga banwa nin Juda?” Nagsimbag an Kagurangnan, “Magtukad ka.” Naghapot si David, “Arin na banwa?” “Sa Hebron,” an simbag nin Kagurangnan.

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

1 Samuel 10:21

Sunod na pinadolok ni Samuel an gabos na pamilya sa tribu ni Benjamin, asin napili an pamilya ni Matri. Dangan pinadolok an mga lalaki sa pamilya ni Matri asin napili si Saul na aki ni Kis. Hinanap ninda si Saul, alagad dai ninda nakua.

1 Samuel 14:37

Kaya naghapot si Saul sa Dios, “Salakayon ko daw an mga Filisteo? Papangganahon mo daw kami?” Alagad dai siya sinimbag nin Dios kan aldaw na idto.

1 Samuel 15:17

Nagsabi si Samuel, “Maski hababa an paghiling mo sa saimo man sana, ika pa giraray an lider kan mga tribu nin Israel. Linahidan ka nin Kagurangnan bilang hade nin Israel;

1 Samuel 22:10

Hinapot pa ni Ahimelec an Kagurangnan kun ano an dapat gibohon ni David, dangan tinawan niya si David nin pagkakan. Itinao man niya ki David an espada ni Goliat na Filisteo.”

1 Samuel 23:9

Kan maaraman ni David na nagpaplanong salakayon siya ni Saul, sinabihan niya an pading si Abiatar, “Daraha digdi an efod.”

1 Samuel 30:7

Sinabihan ni David an padi na si Abiatar, na aking lalaki ni Ahimelec, “Daraha sako an efod.” Kaya dinara ni Abiatar saiya an efod.

1 Samuel 30:8

Hinapot ni David an Kagurangnan, “Marahay daw na lamagon ko an mga parasalakay na idto? Maabotan ko pa daw sinda?” Nagsimbag an Kagurangnan, “Lamagon mo sinda; aabotan mo sinda asin mababawe an mga bihag.”

1 Samuel 9:21

Nagsimbag si Saul, “Tadaw ta siring an pinagsasabi mo sako? Gikan ako sa pinakasadit na tribu nin Israel, sa tribu ni Benjamin, asin an sakong pamilya iyo an pinakamenos sa gabos na tribu.”