1 Samuel 10:12 - Marahay na Bareta Biblia

¹² Naghapot an sarong nag-eerok duman, “Sa paghona nindo, siisay an mga ama kaining ibang mga propeta?” Kaya ini an ginikanan kan kasabihan, “Ano si Saul, propeta na man?”

1 Samuel 10:12 ပူးပေါင်းရင်းမြစ်များ

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Juan 6:45

Nasusurat sa libro kan mga propeta, ‘Tutukdoan nin Dios an gabos na tawo.’ An nakadangog sa ama saka nakanood, minadolok sako.

Juan 7:16

Nagsimbag si Jesus, “An itinutukdo ko bakong hale sako, kundi sa Dios na nagsugo sako.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

1 Samuel 10:13

Pakapropesiya ni Saul, nagduman siya sa altar na nasa bulod.

1 Samuel 19:23

Kan nagpapasiring na si Saul duman, nag-abot man saiya an espiritu nin Dios asin nagsayaw saka nagkurahaw siya sa dalan sagkod sa Naiot.

1 Samuel 19:24

Hinuba niya an saiyang gubing asin nagsayaw saka nagkurahaw sa atubangan ni Samuel, dangan naghigda na huba sa bilog na aldaw asin banggi. (Iyo ini an kapinonan kan kasabihan, “Ano si Saul, saro na man na propeta?”)