1 Samuel 10:1 - Marahay na Bareta Biblia

¹ Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 10:1 ပူးပေါင်းရင်းမြစ်များ

2 Samuel 1:14

Hinapot siya ni David, “Tano ta dai ka natakot na gumadan kan linahidan nin Kagurangnan?”

2 Samuel 19:39

Dangan nagbalyo si David asin an gabos niyang tawohan sa Jordan. Hinadokan niya si Barzillai asin benendisyonan; dangan nagpuli na si Barzillai.

2 Samuel 20:19

Bantog an samong syudad, saro kan pinakamatoninong asin maimbod na syudad sa Israel. Tadaw ta boot mong rumpagon ini? Tano ta boot mong raoton an pamana nin Kagurangnan?”

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

1 Mga Hade 1:34

Lalahidan siya duman ni Zadok asin ni Natan bilang hade nin Israel. Dangan patanogon nindo an trompeta asin magkurahaw kamong, ‘Mabuhay si Hadeng Solomon!’

1 Mga Hade 19:18

Alagad matada ako nin pitong ribo katawo sa Israel—an mga dai nagluhod ki Baal saka dai naghadok saiya.”

2 Mga Hade 20:5

“Magbalik ka ki Ezekias, na kagsakop kan sakong banwaan asin sabihan mo siya, ‘Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling an saimong mga luha. Bobolongon taka, dangan sa ikatolong aldaw maduman ka sa Templo.

2 Mga Hade 9:1

Inapod ni Eliseo an saro kan mga hoben na propeta asin sinabihan, “Mag-andam ka asin magduman ka sa Ramot-gilead. Darahon mo ining sarong dulay na lana nin oliba.

2 Mga Hade 9:12

Nagsimbag sinda, “Dai mi aram. Sabihan samo an itinaram niya!” “Sinabihan niya ako na ini an sinasabi nin Kagurangnan: ‘Linalahidan taka bilang hade nin Israel,’” an simbag ni Jehu.

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 78:71

hale sa pag-ataman kan saiyang mga hayop, tanganing magin pastor ni Jacob na saiyang banwaan, nin Israel na saiyang pamana.

Exodo 30:23

“Kumua ka kan pinakamarahay na mga pahamot: anom na kilong likidong mira, tolong kilo kan mahamot na kanela, tolong kilo kan mahamot na kalamo

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Ezekiel 16:13

Igwa ka nin mga alahas na bulawan saka plata, asin danay kang nakagubing nin purong lino saka seda na gabos binurdahan. Nagkakan ka nin tinapay na gibo sa pinakamarahay na arina, asin igwa ka nin dugos saka lana nin oliba na saimong kakanon. Guminayon ka nin marahay asin nagin sarong reyna.

Oseas 13:2

Padagos sinda sa pagkasala huli sa paggibo nin mga metal na ladawan na pagsasambahon—mga dios-dios na plata, na minukna kan isip nin tawo, na ginibo kan mga kamot nin tawo. Dangan minasabi sinda, “Pagdolot kamo nin mga sakripisyo sa sainda!” Paanong nakakahadok an tawo sa mga dios-dios—mga dios-dios na pormang torong baka!

Mga Gibo 13:21

Kan maghagad sinda nin hade, itinao sainda nin Dios si Saulo, an aking lalaki ni Kis na gikan sa tribu ni Benjamin. Kwarentang taon na naghade sainda si Saulo.

Deuteronomio 32:9

Huli ta an kapagarakian ni Jacob saiyang pinili na magin saiyang sadiring kahirasan.

1 Tesalonica 5:26

Magkinomustahan kamo gabos sa banal na hadok.

Hebreyo 2:10

Maninigo na an Dios, na para saiya asin huli saiya an gabos nagkakaigwa nin buhay, iyo man an magpabanal ki Jesus sa paagi nin pasakit, tanganing madara niya an dakul na tawo sa kamurawayan. Huli ta si Jesus an nangengenot sainda pasiring sa kaligtasan.

Kapahayagan 5:8

Kan makua na iyan kan Kordero, an apat na buhay na linalang asin an beynte y kwatrong kamagurangan nagluhod sa atubang niya. An lambang saro may kapot na arpa saka bulawan na mangko na pano nin insenso; an insensong idto iyo an mga pamibi kan mga banal.

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”

1 Samuel 13:14

Alagad dai na madanay an saimong kahadean; sinuhay mo an Kagurangnan, kaya mahanap siya nin lalaking naooyonan niya na gigibohon niyang hade kan saiyang banwaan.”

1 Samuel 15:1

Sinabihan ni Samuel si Saul, “Sinugo ako nin Kagurangnan tanganing lahidan ka bilang hade kan saiyang banwaan na Israel. Dangoga an itinataram nin Kagurangnan.

1 Samuel 15:17

Nagsabi si Samuel, “Maski hababa an paghiling mo sa saimo man sana, ika pa giraray an lider kan mga tribu nin Israel. Linahidan ka nin Kagurangnan bilang hade nin Israel;

1 Samuel 16:1

Tinaraman nin Kagurangnan si Samuel, “Sagkod nuarin ka magmomondo para ki Saul? Isinikwal ko na siya bilang hade nin Israel. Panoa nin lana an saimong laogan asin magduman ka sa Betlehem, sa sarong lalaki na an ngaran Jesse, huli ta pinili kong magin hade an saro kan saiyang mga aking lalaki.”

1 Samuel 16:13

Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.

1 Samuel 2:10

Magkakaturunaw an mga kaiwal nin Kagurangnan; laban sainda, madaguldol siya sa kalangitan. An Kagurangnan an mahukom sa bilog na kinaban; tatawan niya nin kosog an saiyang hade, ilalangkaw niya an kapangyarihan kan saiyang pinili.”

1 Samuel 24:6

Sinabihan niya an saiyang mga tawohan, “Ilikay logod ako nin Kagurangnan na makaginibo nin ano man na karatan laban sa sakong kagurangnan, an pinili nin Kagurangnan na magin hade! Kaipuhan dai ko siya pag-anohon maski kadikit, huli ta siya an piniling hade kan Kagurangnan!”

1 Samuel 26:11

Dai logod itugot nin Kagurangnan na ako an magbikyaw kan sakong kamot tanganing gadanon an saiyang linahidan! Alagad kuaha an saiyang garod saka an dulay, asin maghale na kita.”

1 Samuel 26:9

Alagad nagsabi si David, “Dai mo siya paggadanon! Papadusahan nanggad nin Kagurangnan an siisay man na gumadan sa hade na saiyang pinili.

1 Samuel 8:19

Alagad habong magdangog an mga tawo ki Samuel, kundi nagsabi, “Dai! Boot ming magkaigwa nin sarong hade

1 Samuel 8:9

Kaya dangoga sinda, alagad patanidan mo nanggad sinda asin paliwanagan kun ano an gigibohon sainda kan saindang hade.”

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”

1 Samuel 9:27

Pag-abot ninda sa may luwas kan banwa, sinabihan ni Samuel si Saul, “Paenota na an saimong sorogoon.” Pakahale kan sorogoon, nagsabi si Samuel, “Mag-ontok ka ngona asin sasabihon ko saimo an itinaram nin Dios.”