1 Samuel 1:23 - Marahay na Bareta Biblia

²³ Nagsimbag si Elkana, “Giboha an pinaghohona mong marahay; digdi ka ngona sa harong sagkod na mabutas an aki. Itugot logod nin Kagurangnan na magkatotoo an saimong panuga.” Kaya nawalat sa harong si Hanna asin inataman an saiyang aki.

1 Samuel 1:23 ပူးပေါင်းရင်းမြစ်များ

2 Samuel 7:25

“Kaya ngunyan, O Kagurangnan Dios, otoba sa gabos na panahon an panuga na ginibo mo manongod sako asin sa sakong kapagarakian; giboha siring sa saimong itinaram.

1 Mga Hade 3:21

Pagkaaga, kan magmata ako tanganing pasusohon an sakong aki, nahiling ko na gadan na an aki. Minaanan ko nin marahay an aki dangan namidbid ko na bako idto an sakong aki.”

Salmo 22:9

Binuhay mo ako pagluwas ko sa tulak; inataman sa daghan nin sakong ina.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Mga Bilang 30:12

Alagad kun dai magtugot an saiyang agom pakadangog kan panuga, mayo nin halaga an panuga saka sumpa kan babae. Papatawadon siya nin Kagurangnan huli ta dai nagtugot an saiyang agom.

Mateo 24:19

Herak man sa mga bados asin sa mga may pasoso sa mga aldaw na iyan!

Lukas 11:27

Mantang nagtataram si Jesus, sarong babae sa kadaklan an nagsabi saiya sa makosog na tingog, “Paladan an babaeng nangaki asin nagpasuso saimo!”

1 Samuel 1:17

Nagsabi si Eli, “Lakaw sa katoninongan asin itao logod saimo kan Dios nin Israel an hinahagad mo saiya.”

1 Samuel 14:36

Dangan sinabihan ni Saul an saiyang mga tawohan, “Magrulugsot kita dangan salakayon ta an mga Filisteo sa banggi; samsaman ta sinda sagkod mag-aga asin gadanon ta sinda gabos.” Nagsimbag an mga tawo, “Giboha an pinaghohona mong marahay.” Alagad nagsabi an padi, “Hapoton ta ngona an Dios.”

1 Samuel 14:40

Dangan sinabihan ni Saul an mga tawo, “Magtirindog kamo gabos duman, asin matindog man kami ni Jonatan digdi.” “Giboha an pinaghohona mong marahay,” an simbag kan mga tawo.