1 Samuel 1:20 - Marahay na Bareta Biblia

²⁰ Nagbados si Hanna asin nangaki nin lalaki. Nginaranan niya ining Samuel, huli ta olay niya, “Hinagad ko siya sa Kagurangnan.”

1 Samuel 1:20 ပူးပေါင်းရင်းမြစ်များ

Genesis 16:11

Bados ka, asin mangangaki nin lalaki; aapodon mo siyang Ismael, huli ta dinangog nin Kagurangnan an saimong agrangay.

Genesis 30:22

Dangan nagiromdoman nin Dios si Rachel; sinimbag niya an mga pamibi kaini asin pinapangyaring mag-aki.

Genesis 4:25

Nagkaigwa pa nin aki si Adan asin an saiyang agom. Nagsabi si Eva, “Tinawan ako nin Dios nin aki na kasalihid ni Abel na ginadan ni Cain.” Kaya an aki nginaranan niyang Set.

Genesis 5:29

Nagsabi siya, “Hale sa dagang isinumpa nin Kagurangnan, an aking ini madara sato nin kaginhawahan sa gabos nyatong kapagalan”; kaya Noe an inginaran niya sa aki.

1 Mga Cronica 4:10

Namibi si Jabez sa Dios nin Israel, “Bendisyonan mo man logod ako, O Dios, asin tawan mo ako nin dakul na daga. Ibahan mo man logod ako asin ilikay sa anoman na maraot na makakakulog sako.” Itinao nin Dios ki Jabez an saiyang hinagad.

Salmo 120:1

Kan ako nasa kahorasaan, nag-apod ako sa Kagurangnan tanganing simbagon niya ako:

Exodo 2:10

Kan dakula na an aki, ibinalik siya kan saiyang ina sa prinsesa, asin inako siya kaini bilang sadiring aki. Nagsabi an prinsesa, “Ngangaranan ko siyang Moises huli ta hinawas ko siya sa tubig.”

Exodo 2:22

Nag-aki si Zippora nin lalaki. Nagsaboot si Moises, “Ngangaranan ko siyang Gersom huli ta saro akong dayuhan sa dagang ini.”

Mateo 1:21

Mangangaki siya nin lalaki asin ngangaranan mo siyang Jesus, huli ta ililigtas niya an saiyang banwaan sa saindang mga kasalan.”

Hebreyo 11:32

Ano pa an sasabihon ko? Kulang an sakong panahon sa pagsaysay dapit ki Gideon, ki Barac, ki Samson, ki Jefte, ki David, ki Samuel saka dapit sa mga propeta.