1 Samuel 1:19 - Marahay na Bareta Biblia

¹⁹ Sunod na aldaw, nagbangon na amay si Elkana asin an saiyang pamilya dangan nagsamba sa Kagurangnan. Pakatapos, nagpuli sinda sa Rama. Dinorogan ni Elkana an saiyang agom na si Hanna asin sinimbag nin Kagurangnan an saiyang pamibi.

1 Samuel 1:19 ပူးပေါင်းရင်းမြစ်များ

Genesis 21:1

Benendisyonan nin Kagurangnan si Sara siring sa pangako niya,

Genesis 30:22

Dangan nagiromdoman nin Dios si Rachel; sinimbag niya an mga pamibi kaini asin pinapangyaring mag-aki.

Genesis 4:1

Dinorogan ni Adan si Eva na saiyang agom asin nagbados ini dangan nangaki nin lalaki. Nagsabi an babae, “Huli sa tabang nin Kagurangnan, nakakua ako nin aking lalaki.” Kaya nginaranan niya ini nin Cain.

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

2 Mga Hade 4:17

Alagad nangidam an babae, asin nag-aki nin lalaki pakalihis nin sarong taon magpoon kan sabihon ini saiya ni Eliseo.

Salmo 119:147

Bago mag-alagaag an kaagahon, minaagrangay ako saimo; naglalaom ako sa saimong panuga.

Salmo 136:23

Siya an nakagiromdom kan kita nagkadaraog; an saiyang pagkamoot mayo nin kataposan;

Salmo 25:7

Lingawe an sakong mga kasalan kan ako aki pa; huli kan danay mong pagkamoot asin pagkamarahayon, Kagurangnan, ako saimong giromdomon.

Salmo 5:3

pagkaaga dinadangog mo an sakong tingog. Pagkaaga dolot ko saimo an sarong atang, dangan minahalat kan saimong kasimbagan.

Salmo 55:17

Aga, odto saka banggi ako minareklamo saka minaagrangay, asin dadangogon niya an sakuyang tingog.

Markos 1:35

Kan sunod na aldaw, haloy pa bago magsirang an aldaw, nagbangon na si Jesus dangan naghale sa harong. Nagpasiring siya sa lugar na mayong tawo dangan namibi duman.

Lukas 23:42

Dangan nagsabi siya, “Jesus, giromdoma man ako pag-abot mo sa saimong Kahadean.”

Josue 18:25

Kairiba man an Gibeon, Rama, Beerot,

1 Samuel 1:1

Igwa kaidto nin sarong lalaki na gikan sa tribu ni Efraim, na an ngaran Elkana, na nag-erok sa banwa nin Rama sa mabulod na daga nin Efraim. Si Elkana aking lalaki ni Jeroham na aking lalaki ni Elihu, na aking lalaki ni Tohu, na aking lalaki ni Suf, na sarong Efraimita.

1 Samuel 1:11

Nagsumpa si Hanna, “O Kagurangnan nin mga hukbo, hilinga an pagtios ko an saimong sorogoon, asin giromdoma ako! Hare ako paglingawe! Kun tawan mo ako nin aking lalaki, nanunuga ako na lalaenon ko siya para saimo sa bilog niyang pagkabuhay asin dai nanggad puputolon an saiyang buhok.”

1 Samuel 15:34

Dangan nagpasiring sa Rama si Samuel, asin nagpuli man sa Gibea si Saul.

1 Samuel 16:13

Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.

1 Samuel 19:18

Nakadulag si David asin nagduman ki Samuel sa Rama. Inistorya niya ki Samuel an gabos na ginibo saiya ni Saul. Dangan nagduman si David asin si Samuel sa Naiot asin duman nag-erok.

1 Samuel 2:11

Dangan nagpuli si Elkana sa saiyang harong sa Rama, alagad nawalat an aking si Samuel sa Shilo asin naglingkod sa Kagurangnan sa pamamahala kan pading si Eli.

1 Samuel 25:1

Nagadan si Samuel asin nagtiripon an bilog na Israel; ipinagmondo ninda an saiyang pagkagadan. Dangan ilinubong siya sa saiyang harong sa Rama. Pakatapos kaini, nagpasiring si David sa kalangtadan nin Paran.

1 Samuel 7:17

Dangan minapuli siya sa saiyang harong sa Rama, na pinaglilingkodan man niya bilang hukom. Nagpatugdok siya duman nin altar para sa Kagurangnan.

1 Samuel 8:4

Dangan nagtiripon an kamagurangan nin Israel, nagduruman ki Samuel sa Rama,

1 Samuel 9:26

asin duman siya nagkatorog. Pagsirang kan aldaw, pinukaw ni Samuel si Saul na nasa atop, “Bangon na, asin dedespediron taka.” Nagbangon si Saul, dangan nag-iba sinda ni Samuel pasiring sa tinampo.