1 Samuel 1:18 - Marahay na Bareta Biblia

¹⁸ “Danay mo logod akong kawilihan,” an simbag ni Hanna. Dangan naghale na siya asin nagkakan; bako na siyang mamondo.

1 Samuel 1:18 ပူးပေါင်းရင်းမြစ်များ

Genesis 32:5

Dakul na an sadiri kong baka, asno, karnero, kanding asin oripon. Nagpasugo ako saimo sa paglaom na magigin marahay an pag-ako mo sako.”

Genesis 32:6

Kan magbalik ki Jacob an mga sinugo, nagsabi sinda, “Nakaolay mi an tugang mong si Esau. Pasiring na siya digdi sa pagsabat saimo kaiba an kwatro syentos kan saiyang mga tawohan.”

Genesis 33:15

“Kun siring mawalat ako nin nagkapira sa mga tawohan ko,” an sabi ni Esau. Alagad nagsimbag si Jacob, “Dai na kaipuhan huli ta gusto ko sanang makua an marahay mong boot.”

Genesis 33:8

Naghapot si Esau, “Ano an kahulogan kaidtong nasabatan kong sarong grupo?” “Mga regalo ko idto saimo tanganing makua ko an saimong marahay na boot,” an simbag ni Jacob.

Salmo 34:6

Minaapod an dukha, asin sinisimbag nin Kagurangnan; iliniligtas niya sa gabos na kasakitan.

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

Ruth 2:13

Nagsimbag si Ruth, “Maboot ka sako. Natawan mo ako nin kaalingan huli sa marahay na pakipag-olay mo sako, maski ngani dai ako makapantay sa saimong mga sorogoon.”

Ruth 2:2

Sarong aldaw, nagsabi si Ruth ki Naomi, “Tugote akong magduman sa oma tanganing manirot kan mga nagkawaralat na trigo kan mga paraani. May paglaom ako na manunumpongan ko an tawong matugot sako na magtrabaho sa hurihan niya.” Nagsimbag si Naomi, “Lakaw na, aki ko.”