1 Samuel 1:15 - Marahay na Bareta Biblia

¹⁵ Alagad nagsimbag si Hanna, “Bako man akong burat. Mamondo sana ako nin marahay asin ipinapahayag ko an sakong problema sa Kagurangnan.

1 Samuel 1:15 ပူးပေါင်းရင်းမြစ်များ

An Libro ni Job 30:16

“Ngunyan madali na akong magadan; mayo nin ranga para sa sakong kasakitan.

Salmo 143:6

Iniitaas ko an mga kamot ko sa pagpamibi saimo; siring sa alang na daga, an kalag ko napapaha saimo.

Salmo 42:4

Ini gabos nagigiromdoman ko kun binubuksan ko an sakuyang puso, kan pinapangenotan ko an kadaklan, pasiring sa harong nin Dios, mantang maogmang nagkukurahaw saka nag-aawit nin pasasalamat— sarong katiriponan na nagseselebrar sa dakulang kaogmahan.

Salmo 62:8

Sa gabos na panahon, magsarig kamo sa Dios, O sakong banwaan. Isabi nindo saiya an gabos nindong kasakitan, huli ta siya an satong pailihan.

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Mga Talinhaga 14:10

Sadiri mo an saimong kaogmahan; an saimong kapaitan nin boot sadiri mo man. Mayo nin pwedeng makihiras saimo kaiyan.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Mga Talinhaga 25:15

An marahay na pakiolay nakakapalumoy sa matagas na puso, asin nakakakombenser maski sa hade.

Mga Panambitan 2:19

Sa bilog na banggi magtindog ka asin mag-apod sa Kagurangnan; siring sa tubig, iula mo an saimong puso sa atubangan nin Kagurangnan! Makimaherak ka para sa saimong mga aki na nadidismayo sa gutom sa lambang kanto kan tinampo.

1 Samuel 1:16

Dai ka mag-isip na ako sarong babaeng bako maninigong igalang. Namimibi akong arog kaini huli kan sakong kahaditan asin kasakitan.”

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)