1 Samuel 1:11 - Marahay na Bareta Biblia

¹¹ Nagsumpa si Hanna, “O Kagurangnan nin mga hukbo, hilinga an pagtios ko an saimong sorogoon, asin giromdoma ako! Hare ako paglingawe! Kun tawan mo ako nin aking lalaki, nanunuga ako na lalaenon ko siya para saimo sa bilog niyang pagkabuhay asin dai nanggad puputolon an saiyang buhok.”

1 Samuel 1:11 ပူးပေါင်းရင်းမြစ်များ

Genesis 28:20

Dangan nagsumpa si Jacob sa Kagurangnan na an sabi, “Kun iibahan asin aatamanon mo ako sa sakong paglakaw, tatawan nin pagkakan saka gubing,

Genesis 29:32

Kaya nagbados si Lea asin nag-aki nin sarong lalaki na nginaranan niyang Ruben, huli ta nagsabi siya, “Nahiling nin Kagurangnan an sakong kasakitan asin ngunyan mamomotan na ako kan sakong agom.”

Genesis 30:22

Dangan nagiromdoman nin Dios si Rachel; sinimbag niya an mga pamibi kaini asin pinapangyaring mag-aki.

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

Salmo 25:18

Hilinga an sakong kahaditan asin kasakitan; patawada an gabos kong kasalan.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Mga Talinhaga 31:2

“Ika an sakong namomotan na aki, an kasimbagan sa sakong mga pamibi. Ano an sasabihon ko saimo?

Parahulit 5:4

Kaya kun minagibo ka nin panuga sa Dios, otobon mo iyan tolos; huli ta dai niya nawiwilihan an mga lolong. Otoba an ipinanuga mong gigibohon.

Levitico 27:2

an minasunod na pagsusundon para sa banwaan nin Israel. Kun an sarong tawo idinusay sa Kagurangnan bilang panuga, magigin talingkas an tawong iyan sa paagi nin pagbayad kan maninigong kantidad,

Mga Bilang 21:2

Dangan nanuga an mga Israelita sa Kagurangnan: “Kun itutugot mong madaog mi an mga tawong iyan, tutunawon mi sinda sagkod an saindang mga syudad.”

Mga Bilang 6:11

An sarong gamgam idodolot kan padi bilang dolot para sa kasalan asin an saro bilang tinutong na atang, tanganing gibohon an pagtubos saiya, huli ta nagkasala siya kan makaduta siya sa gadan. Sa aldaw na iyan, makokonsagra niya giraray an saiyang buhok.

Mga Bilang 6:5

Sa bilog na panahon kan saiyang pagigin Nazireo, dai niya puputolan an saiyang buhok, ni aahiton an saiyang barabas. Nabubugkos siya kan panuga sa bilog na panahon na nagdusay siya kan saiyang buhay sa Kagurangnan asin papahalabaon niya an saiyang buhok saka barabas.

Mga Bilang 6:8

Sagkod na siya sarong Nazireo, siya konsagrado sa Kagurangnan.

Hukom 11:30

Nanuga siya sa Kagurangnan: “Kun itao mo sako an kapangganahan laban sa mga Ammonita,

Hukom 13:5

huli ta magbabados ka asin mangangaki nin lalaki. Dai mo pagputolon an saiyang buhok huli ta poon sa pagkamundag niya, lalaenon na siya para sa Dios bilang sarong Nazireo. Siya an mapoon sa pagligtas kan Israel sa kamot kan mga Filisteo.”

1 Samuel 1:12

Mantang namimibi si Hanna sa Kagurangnan, pinagmamasdan ni Eli an saiyang ngoso.

1 Samuel 1:19

Sunod na aldaw, nagbangon na amay si Elkana asin an saiyang pamilya dangan nagsamba sa Kagurangnan. Pakatapos, nagpuli sinda sa Rama. Dinorogan ni Elkana an saiyang agom na si Hanna asin sinimbag nin Kagurangnan an saiyang pamibi.

1 Samuel 1:22

Alagad dai nag-iba si Hanna. Sinabihan niya an saiyang agom, “Sa oras na mabutas an aki, dadarahon ko siya sa harong nin Kagurangnan asin duman na siya mag-eerok sa bilog niyang pagkabuhay.”

1 Samuel 1:27

Namibi ako na tawan ako nin aki asin itinao niya an sakong hinagad.

1 Samuel 1:28

Kaya idinodolot ko siya sa Kagurangnan; mantang buhay siya, sadiri siya nin Kagurangnan.” Dangan nagsamba sinda duman sa Kagurangnan.

1 Samuel 2:20

Dangan benebendisyonan ni Eli si Elkana saka an saiyang agom asin sinasabihan, “Huli sa babaeng ini, tawan ka pa logod nin Kagurangnan nin ibang mga aki na magigin kasalihid kan aking linaen nindo para saiya.” Pakatapos kaini, minapuli na sinda.