1 Pedro 5:9 - Marahay na Bareta Biblia

⁹ Magin pusog kamo sa saindong pagtubod saka labanan nindo siya, huli ta aram nindo na an mga kapwa nindo paratubod sa bilog na kinaban nag-aagi man nin arog kaiyan na mga kasakitan.

1 Pedro 5:9 ပူးပေါင်းရင်းမြစ်များ

Lukas 22:32

Alagad, Simon, ipinamibi taka na dai magluya an saimong pagtubod, nganing pagbalik mo sako, pakosogon mo an saimong mga tugang.”

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

1 Corinto 10:13

Anoman na sogot na minaabot saindo, ordinaryo nang minaabot sa tawo. Alagad maimbod an Dios asin dai niya tutugotan na sogotan kamo nin labi pa sa kakayahan nindo. Kun kamo sogotan, papakosogon niya kamo tanganing matagalan nindo iyan asin makakua kamo nin paagi na malusotan iyan.

Efeso 4:27

Dai nindo pagtawan nin lugar an Diablo.

Efeso 6:16

Sa gabos na oras, daraha nindo an pagtubod bilang kalasag, tanganing masigbo an mga nagkakalayong pana kan Maraot.

Colosas 2:5

Maski mayo ako diyan, alagad kaiba nindo ako sa espiritu; maogma ako huli ta nahihiling kong nagkakasararo kamong pusog sa pagtubod ki Cristo.

1 Tesalonica 3:3

tanganing mayo ni saro saindo na magluya an boot huli kan mga pasakit. Aram nindo na ining pasakit kabtang kan pagboot nin Dios sato.

1 Timoteo 6:12

Makilaban ka sa marahay na laban nin pagtubod nganing makamtan mo an premyo nin buhay na mayong kataposan, huli ta diyan ka inapod nin Dios kan ipahayag mo an saimong pagtubod sa atubangan nin dakul na saksi.

2 Timoteo 3:12

An gabos na boot mabuhay na banal kaiba ni Cristo Jesus papasakitan,

2 Timoteo 4:7

Nakilaban ako nin marahay, natapos ko na an pagdalagan, asin nagdanay akong maimbod sa pagtubod.

Hebreyo 11:33

Huli sa pagtubod sinakop ninda an mga kahadean, ginibo an matanos asin inako an ipinanuga nin Dios. Tinakpan ninda an ngoso kan mga leon;

Hebreyo 12:8

Kun dai niya kamo dinidisiplina siring kan saiyang pagdisiplina sa gabos niyang aki, bako kamong tunay na aki niya, kundi mga aki kamo sa luwas.

Santiago 4:7

Kaya magpasakop kamo sa Dios. Dai kamo magpadaog sa Diablo ta madulag siya saindo.

1 Pedro 1:6

Ipag-ogma nindo ini maski kamo nasasakitan sa kadikit na oras huli kan mga manlaen-laen na pagbalo,

1 Pedro 2:21

Para sa bagay na ini inapod kamo nin Dios, huli ta si Cristo nagtios man dahel saindo saka nagwalat nin arogan na dapat nindong arogon.

1 Pedro 3:14

Alagad maski magtios kamo huli sa katanosan, magigin paladan kamo. Dai kamo matakot sa kiisay man; dai man kamo mahadit.

1 Pedro 4:13

Alagad mag-ogma kamo sa pakihiras nindo sa mga kasakitan ni Cristo, tanganing mag-ogma man kamo asin maggayagaya kun ihayag na an saiyang kamurawayan.

Kapahayagan 1:9

Ako, si Juan na saindong tugang, huli sa pakisumaro ki Jesus, kadamay nindo sa kasakitan asin sa pagtios na minaabot sa mga kaayon sa Kahadean niya. Itinapok ako sa isla kan Patmos huli ta ipinaghulit ko an tataramon nin Dios asin an patotoo kaiyan ni Jesus.

Kapahayagan 6:11

An lambang saro sainda tinawan nin puting gubing, dangan sinabihan na maghalat nin dikit pang panahon, sagkod na mabilog an bilang kan saindang kapwa mga sorogoon saka mga tugang na gagadanon man siring sainda.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.