1 Pedro 5:8 - Marahay na Bareta Biblia

⁸ Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.

1 Pedro 5:8 ပူးပေါင်းရင်းမြစ်များ

Esther 7:6

Nagsimbag si Esther, “An samong kaiwal asin kalaban iyo ining maraot na si Haman!” Dangan natakot si Haman sa atubangan kan hade asin reyna.

An Libro ni Job 2:2

Hinapot siya nin Kagurangnan, “Saen ka nagparaduman?” Nagsimbag si Satanas, “Nagparalakaw ako sa bilog na kinaban; maski saen ako nakaduman.”

Salmo 104:21

Nag-uurungal an mga ogbon na leon mantang naghahanap kan kakanon na hale sa Dios.

Salmo 109:6

Magpili ka nin sarong maraot na hukom na mahatol sa sakong kaiwal; sarong kaiwal niya na masumbong tumang saiya.

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Mga Talinhaga 20:2

An kaanggotan nin hade garo ungal kan leon; an minapaanggot saiya nawawaraan kan sadiring buhay.

Mga Talinhaga 28:15

Arog sa nag-uungal na leon o sa nagugutom na oso an hade na maringis sa mga dukha.

Isaias 50:8

huli ta harani an Dios, asin patotoohan niyang mayo akong kasalan. Igwa daw nin mangangahas na magsumbong tumang sakuya? Duman kami maghilingan sa korte! Darahon niya an saiyang sumbong!

Jeremias 2:15

Nag-urungal sinda saiya na garo mga leon; ginibo nindang desyerto an saiyang daga, asin rinaot ninda an saiyang mga banwa, kaya mayo na nin nag-erok duman.

Jeremias 51:38

An mga taga Babilonia mag-uungal arog sa mga leon saka mag-aagromod arog sa mga ogbon na leon.

Ezekiel 19:7

Rinumpag kaini an mga bantayan, rinaot an mga banwa. Natakot saiya an mga tawo sa daga, sa lambang pag-ungal niya.

Ezekiel 22:25

An mga lider nakakabaing sa mga leon na nag-uungal sa ibabaw kan mga hayop na ginadan ninda. Ginagadan ninda an mga tawo, sinasamsam an gabos na kwarta saka mga pagsadiri na pwede nindang makua. Huli kan panggagadan ninda, dakul an nagigin balo.

Daniel 6:24

Dangan nagboot an hade na dakopon an mga lalaking nagsumbong ki Daniel, asin ihinulog sinda kaiba an saindang mga agom saka kaakian sa kalot na pano nin mga leon. Dai pa ngani sinda nagduduta sa salog kan kalot, pinag-aragawan na sinda kan mga leon asin binarari an saindang mga tolang.

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Oseas 13:8

Sasalakayon ko kamo siring sa sarong oso na nawaraan kan saiyang mga ogbon, saka roronoton ko an saindong mga daghan. Siring sa sarong leon, kakakanon ko kamo, asin pepedasohon arog sa pagpedaso kan sarong lalaw na hayop.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Amos 1:2

Nagsabi si Amos, “Nagtataram sa makosog na tingog an Kagurangnan hale sa Bukid nin Sion; nagdadaguldol an saiyang tingog hale sa Jerusalem. Naaalang an mga pasabsaban, asin naluluyos an mga doot sa Bukid nin Carmelo.”

Amos 3:4

Minaungal daw an leon sa kadlagan kun dai iyan nakakua nin sarong biktima? Minaungal daw an ogbon na leon kun dai iyan nin nadakop na anoman?

Amos 3:8

Siisay an dai natatakot kun minaungal an sarong leon? Siisay an dai minapahayag kan mensahe kan Kagurangnan Dios kun siya nagtataram?

Zacarias 11:3

Naghihibi an mga pamayo sa kamondoan; mayo na an saindang kamurawayan! Dangoga an ungal kan mga leon; raot na an erokan nindang kadlagan sa may Salog nin Jordan!

Zacarias 3:1

Sa saro pang bisyon ipinahiling sako nin Kagurangnan an Halangkaw na Padi na si Josue na nagtitindog sa atubangan kan anghel nin Kagurangnan. Yaon sa kataed ni Josue si Satanas, na andam sa pagreklamo tumang ki Josue.

Mateo 13:39

An kaiwal na nagsabwag kan doot iyo an Diablo. An tig-anihan iyo an kataposan kan panahon, dangan an mga paraani iyo an mga anghel.

Mateo 24:42

Kaya magbantay kamo, huli ta dai nindo aram kun anong oras maabot an saindong Kagurangnan.

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Mateo 4:1

Pakatapos, dinara si Jesus kan Espiritu Santo duman sa kalangtadan tanganing pagsugotan kan Demonyo.

Mateo 4:11

Pakatapos, binayaan siya kan Demonyo; dangan nagdatong an mga anghel asin naglingkod saiya.

Markos 4:15

An ibang mga tawo garo an mga banhi na nahuhulog sa dalan. Pakadangog ninda kan tataramon, minaabot tolos si Satanas; inaagaw niya an tataramon na isinabwag sainda.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Lukas 22:31

Nagsabi pa an Kagurangnan, “Simon, Simon! Dangoga ako! Hinagad ni Satanas na saligsigon kamo, arog sa trigo.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

2 Corinto 2:11

tanganing dai makabentahe satuya si Satanas; huli ta aram ta kun ano an saiyang mga plano.

Efeso 4:27

Dai nindo pagtawan nin lugar an Diablo.

Efeso 6:11

Gamiton nindo an gabos na armas na itinatao saindo nin Dios, tanganing makaya nindong labanan an mga katusohan kan Diablo.

1 Timoteo 2:15

Alagad makakaligtas an babae huli sa pangangaki, kun magdanay siya sa pagtubod, pagkamoot asin kabanalan na may kabinian.

1 Timoteo 2:9

Boot kong an mga babae magin desente asin simple sa saindang paggubing. Magpagayon sinda bakong sa paagi nin sinalapid na buhok, mga samnong bulawan o perlas, o sa pagsulot nin mga mamahalon na gubing,

1 Timoteo 3:11

An saindang mga agom dapat marahay man an ugale, bakong paralibak, dai nagbuburat asin maimbod sa gabos na bagay.

1 Timoteo 3:2

An lider dapat sarong tawo na mayong digta an pamumuhay. Dapat saro sana an agom niya, tataong magpugol sa sadiri, toltol sa isip, may dignidad, bukas an harong sa pagpadagos sa kapwa, marahay magtukdo.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

Tito 1:8

Kundi dapat bukas an harong niya sa pagpadagos sa kapwa, mamomoton sa anoman na marahay, mahuyo, matanos, banal saka tataong magpugol sa sadiri.

Tito 2:12

An biyayang iyan an nagtutukdo sato na magbaya sa bakong diosnon na pamumuhay saka sa mga pagmawot na kinabanon. Nagtutukdo man iyan sato na mamuhay kita na tataong magpugol sa sadiri, matanos saka maki-Dios sa kinaban na ini,

Tito 2:2

Sadolon mo an gurang na mga lalaki na dai sinda magpakasobra sa anoman, na magin mapagpugol sa sadiri, ginagalangan, masarig sa pagtubod, sa pagkamoot saka sa pakatagal.

Tito 2:4

tanganing matukdoan an hoben na mga babae na mamotan an saindang agom saka mga aki,

Tito 2:6

Siring man sadolon mo an hoben na mga lalaki na magin mapagpugol sa sadiri.

Santiago 4:7

Kaya magpasakop kamo sa Dios. Dai kamo magpadaog sa Diablo ta madulag siya saindo.

1 Pedro 1:13

Kaya andamon nindo nin marahay an saindong mga isip; magmaan kamo; ibugtak nindo an saindong bilog na paglaom sa biyaya na itatao saindo kun ihayag na si Jesu-Cristo.

1 Pedro 4:7

Harani na an kataposan kan gabos na bagay. Kaya dapat magkaigwa kamo nin malinaw na isip asin pagpupugol sa sadiri, tanganing makapamibi kamo.

Kapahayagan 12:10

Dangan nakadangog ako nin makosog na tingog sa langit na nagsabi, “Nag-abot na ngunyan an kaligtasan, an kapangyarihan asin an kahadean nin satuyang Dios patin an kapangyarihan nin saiyang Cristo! Huli ta an parasumbong kan satong mga tugang, an parasumbong sa atubang nin Dios aldaw-banggi, ihinulog na hale sa langit.

Kapahayagan 12:12

Kaya mag-ogma kamo, kalangitan asin kamo gabos na nag-eerok diyan! Alagad herak man saindo, o daga asin dagat! Huli ta yaon na diyan saindo an Diablo; anggot siya nin makuri, huli ta aram niyang halipot na sana an panahon na natatada para saiya.”

Kapahayagan 12:9

Itinapok an dakulang dragon—an kasuanoy na halas na nginaranan Diablo o Satanas—an paradaya kan bilog na kinaban. Ihinulog siya sa daga, kaiba an gabos niyang mga anghel.

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.

Kapahayagan 20:2

Dinakop niya an dragon, an kasuanoy na halas na iyo an Diablo o Satanas, saka kinadenahan sa laog nin sangribong taon.

Hukom 14:5

Kaya nagpasiring sa Timna si Samson kaiba an saiyang ama asin ina. Kan mag-agi sinda sa ubasan duman, nadangog ni Samson an ungal nin sarong ogbon pang leon.