1 Pedro 5:6 - Marahay na Bareta Biblia

⁶ Kaya magpakumbaba kamo asin magpasakop sa kapangyarihan nin Dios, tanganing ilangkaw niya kamo sa panahon na itinalaan niya.

1 Pedro 5:6 ပူးပေါင်းရင်းမြစ်များ

1 Mga Hade 21:29

“Nahiling mo kun paano nagpakumbaba sa atubang ko si Ahab? Huli ta nagpakumbaba siya sa atubang ko, dai ko siya papadarahan nin karatan mantang nabubuhay siya; ipapadara ko an karatan sa panahon kan saiyang aking lalaki.

2 Mga Hade 22:19

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi, tanganing magin sinda mapungaw saka magin maldisyon. Ginisi mo an saimong gubing saka naghibi sa atubang ko. Nadangog ko an saimong pamibi,

2 Mga Cronica 12:12

Huli ta nagpakumbaba si Rehoboam, nahale an kaanggotan saiya nin Kagurangnan. Dai na ipinadagos an pagtunaw saiya asin nagin marahay an kamugtakan kan gabos na bagay sa Juda.

2 Mga Cronica 30:11

Kadikit sana sa mga tribu ni Asher, ni Manases saka ni Zabulon an nagpakumbaba dangan nagduman sa Jerusalem.

2 Mga Cronica 32:26

Sa kahuri-hurihi, nagpakumbaba si Ezekias asin an banwaan nin Jerusalem, kaya dai pinadusahan nin Kagurangnan an mga tawo mantang buhay pa si Ezekias.

2 Mga Cronica 33:12

Sa saiyang pagtios, nagin mapakumbaba siya sa Dios nin saiyang mga ginikanan asin naghagad nin tabang.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

2 Mga Cronica 36:12

Ginibo niya an maraot sa atubangan kan Kagurangnan. Dai siya nagpakumbaba sa propetang si Jeremias na nagtaram sa ngaran nin Kagurangnan.

An Libro ni Job 36:22

“An Dios ilinangkaw sa saiyang kapangyarihan; siisay na paratukdo an makakaarog saiya?

Salmo 75:10

Roronoton niya an kapangyarihan kan mga maraot, alagad dudugangan niya an kapangyarihan kan mga matanos.

Salmo 89:13

Mapangyari an saimong takyag, Kagurangnan; an saimong kosog dai mapapantayan.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Exodo 3:19

Aram kong dai matugot an hade na maghale kamo sagkod na dai siya mapiritan.

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Mga Talinhaga 29:23

An mabagsak sa tawo iyo an saiyang kapaabaw-abawan, alagad an mapakumbaba mag-aako nin kaomawan.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 40:4

Tambonan an gabos na kababan; pantayon an gabos na kabubuldan asin kabukidan. Magigin patag an kabubuldan, asin magigin sarama an mga lugar na bakong sarama.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Jeremias 13:18

Tinaraman ako nin Kagurangnan, “Sabihan mo an hade asin an saiyang ina na bumaba sa saindang trono, huli ta nahale na sa saindang payo an magagayon nindang korona.

Jeremias 44:10

Alagad sagkod ngunyan dai kamo nagpapakumbaba. Dai kamo nag-omaw sako ni namuhay sosog sa gabos na katogonan na itinao ko saindo asin sagkod sa saindong mga ginikanan.

Ezekiel 17:21

Magagadan sa gera an pinakamarahay niyang mga soldados, asin an mga matatada magkakawararak sa gabos na direksyon. Dangan maaraman nindo na ako, an Kagurangnan, an nagtaram.”

Ezekiel 21:6

“Aki nin tawo, mag-agrangay ka na garo naroronot na an saimong puso sa pagkawara nin paglaom. Mag-agrangay ka sa kamondoan duman sa lugar na mahihiling ka kan gabos.

Daniel 5:22

“Alagad ika, Belsazzar, na saiyang aki, dai nagpakumbaba maski aram mo an gabos na ini,

Levitico 26:41

kaya tinalikodan ko sinda asin ipinadarang mga bihag sa daga kan saindang mga kaiwal. Alagad kun magpakumbaba an saindong kapagarakian asin mabayadan na ninda an padusa kan saindang mga kasalan,

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Mateo 23:12

Huli ta an nagpapakalangkaw, ibababa; an nagpapakumbaba, ilalangkaw.

Lukas 1:52

Pinababa niya sa mga trono an mga mapangyari, asin ilinangkaw an mga mapakumbaba.

Lukas 14:11

Huli ta an siisay man na nagpapalangkaw, ibababa; an siisay man na nagpapakumbaba, ilalangkaw.”

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

Roma 5:6

Kan kita mga maluya pa, nagadan si Cristo para sa mga makasalan, sa panahon na itinalaan nin Dios.

1 Corinto 10:22

O tibaad boot nyatong mag-imon an Kagurangnan? Mas makosog daw kita saiya?

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

1 Timoteo 2:6

Idinusay niya an saiyang buhay sa pagtubos kan gabos na tawo, na patunay nin Dios sa tamang panahon.

Tito 1:3

Kan nag-abot an tamang panahon, ipinahayag niya iyan sa saiyang mensahe. Ipinaniwala iyan sako asin iyo an ipinaghuhulit ko huli sa pagboot kan Dios na satong Paraligtas.

Santiago 4:10

Magpakumbaba kamo sa atubang nin Kagurangnan, ta ilalangkaw niya kamo.

Santiago 4:7

Kaya magpasakop kamo sa Dios. Dai kamo magpadaog sa Diablo ta madulag siya saindo.

Santiago 5:10

Mga tugang, giromdoma nindo an mga propeta na nagtaram sa ngaran nin Kagurangnan. Aroga nindo an saindang pagkamatinios asin pakatagal sa tahaw nin kasakitan.