1 Pedro 5:2 - Marahay na Bareta Biblia

² Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

1 Pedro 5:2 ပူးပေါင်းရင်းမြစ်များ

2 Mga Hade 12:6

Alagad kan ikabeynte y tres na taon kan paghahade ni Joas dai pa hinihirahay kan mga padi an Templo.

Awit nin mga Awit 1:8

Kun dai mo aram an lugar, pinakamagayon sa mga babae, lakaw asin sunoda an gira kan mga hayop; maghanap ka nin masasabsaban para sa saimong mga kanding harani sa mga tolda kan mga pastor.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Isaias 6:8

Dangan nadangog kong naghapot an Kagurangnan, “Siisay an sakong susugoon? Siisay an satong magigin sugo?” Nagsimbag ako, “Uya ako! Ako an sugoa.”

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 13:20

Hilinga, Jerusalem! Nagdadangadang na an saimong mga kaiwal hale sa amihan! Haen na an mga tawong ipinapaniwala saimo, an banwaan na ipinag-orgulyo mo?

Jeremias 6:13

An lambang saro, poon sa kasaradayan sagkod sa haralangkaw na tawo, nandadaya tanganing yumanan. Nandadaya maski an mga propeta saka mga padi.

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Ezekiel 34:23

Tatawan ko sinda nin sarong hade na arog kan sorogoon kong si David, tanganing iyo sana an magpastor asin mag-ataman sainda.

Ezekiel 34:31

“Kamo, na sakong mga karnero, an ariponpon na sakuyang pinapakakan, iyo an sakong banwaan asin ako an saindong Dios,” an olay nin Kagurangnan Dios.

Ezekiel 46:24

Tinaraman ako kan lalaki, “Iyo ini an mga kusina. Digdi lalabonan kan mga sorogoon sa Templo an mga sakripisyong dolot kan mga tawo.”

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Mikas 7:14

Atamana siring sa sarong pastor an saimong banwaan, Kagurangnan, an banwaan na saimong pinili. Maski bako sindang sararo na nag-eerok sa kalangtadan, igwa nin matubang na daga sa palibot ninda. Padumana sinda sa mayaman na mga pasabsaban nin Basan saka Gilead, dangan pakakana sinda duman arog kan ginibo ninda kaidtong panahon.

Zacarias 11:17

Herak man sa mayong halagang pastor na idto! Pinabayaan niya an saiyang mga karnero. Roronoton nanggad nin gera an saiyang kapangyarihan. Mawawaraan nin kosog an saiyang kamot, asin mabubuta an too niyang mata.”

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Mga Bilang 18:7

Alagad ika asin an saimong mga aki iyo nanggad sana an magibo kan katongdan kan padi manongod sa altar asin sa laog kan Kabanal-banaleng Lugar. Iyan an saimong katongdan. Itinao ko saindo an pagkapadi bilang sarong regalo, asin gagadanon an bakong Levita na magdolok sa sagradong mga bagay.

Lukas 12:32

“Dai kamo matakot, sadit na ariponpon, huli ta kaogmahan kan saindong Ama na itao saindo an Kahadean.

Mga Gibo 20:29

Aram ko na pakahale ko, lalaogon kamo nin mababangis na lobo asin dai ninda paliligtason an mga karnero ko.

Mga Gibo 21:13

Alagad nagsimbag siya, “Tadaw ta nagtatangis kamo asin pinapaluya nindo an boot ko? Andam ako bako sanang magpabilanggo kundi maski magpagadan sa Jerusalem dahel sa Kagurangnan na Jesus.”

Roma 1:15

Ini an dahelan kaya boot kong ipaghulit an Marahay na Bareta saindo diyan sa Roma.

1 Corinto 9:7

Siisay an soldados na iyo mismo an nagbabayad kan sadiri niyang gasto sa hukbo? Siisay an paratanom na dai nagkakakan kan ubas sa sadiri niyang ubasan? Siisay an pastor na dai nagkikinabang kan gatas na hale sa sadiri niyang karnero?

1 Timoteo 3:3

Bako siya paraburat o parapakiiwal, kundi mahuyo, matoninong saka bakong makikwarta.

1 Timoteo 3:8

An mga diakono sa simbahan dapat man na marahay an ugale saka bakong parasagin-sagin, bakong paraburat asin bakong ganid sa kwarta.

Tito 1:11

Kaipuhan sindang paontokon huli ta pinupurisaw ninda an gabos na kaayon nin mga pamilya, sa pagtukdo ninda kan dai dapat itukdo, magkakwarta sana sinda maski sa maraot na paagi.

Tito 1:7

An sarong lider dapat na mayo nin katuyawan bilang pinaniniwalaan kan trabaho nin Dios; bakong mapalangkaw, o aranggoton, o paraburat, o parapakiiwal, o makikwarta.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Tito 3:1

Ipagiromdom mo sa sainda na magpasakop sinda sa mga kagsakop saka sa mga awtoridad; na magkuyog sainda asin magin danay na andam sa paggibo kan anoman na marahay.

Filemon 1:14

Alagad habo kong piriton kang tabangan ako; kundi mawot kong gibohon mo iyan sa sadiring boot. Kaya dai ako magibo nin anoman kun dai mo oyon.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!