1 Pedro 4:5 - Marahay na Bareta Biblia

⁵ Alagad matao sinda nin kwenta sa Dios na andam na maghukom sa mga buhay saka sa mga gadan.

1 Pedro 4:5 ပူးပေါင်းရင်းမြစ်များ

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Parahulit 12:14

Huhukoman nin Dios an gabos nyatong gibo, marahay man o maraot, maski an mga bagay na ginibo sa hilom.

Ezekiel 18:30

“Kaya ako, an Kagurangnan Dios, an mahukom sa saindong mga Israelita, sosog sa mga ginibo nindo. Magtalikod na kamo sa gabos nindong kasalan, asin dai kamo magtugot na matunaw kamo huli kan saindong kasombikalan.

Mateo 12:36

“Sinasabihan ko kamo na sa Aldaw nin Paghukom an lambang saro magtatao nin kwenta kan lambang tataramon na mayong halaga na saiyang itinaram.

Lukas 16:2

Kaya ipinaapod niya saka tinaraman, ‘Ano ining nadadangog ko manongod saimo? Tawe ako nin kwenta kan palakaw mo sa pagsadiri ko huli ta dai ka na pwedeng mamahala kaiyan.’

Mga Gibo 10:42

Pinagbotan niya kami na maghulit kan ebanghelyo sa mga tawo asin magpatotoo na siya an ginibo nin Dios na magin hukom kan mga buhay asin kan mga gadan.

Mga Gibo 17:31

Huli ta nagtalaan an Dios nin sarong aldaw na huhukoman niya an kinaban sa katanosan, sa paagi nin sarong tawo na pinili niya. Ini pinatotoohan niya sa gabos kan buhayon niya liwat an tawong iyan!”

Roma 14:9

Huli ta si Cristo nagadan asin nabuhay liwat tanganing magin Kagurangnan kan mga buhay saka kan mga gadan.

2 Timoteo 4:1

Sa atubang nin Dios asin ni Cristo Jesus na iyo an mahukom kan mga nabubuhay pa sagkod kan mga nagadan na, asin huli ta maabot siya tanganing maghade, sinasadol taka

Santiago 5:9

Mga tugang, dai kamo maghinanakit sa kapwa tanganing dai kamo hukoman. An Hukom madali nang mag-abot!