1 Pedro 4:18 - Marahay na Bareta Biblia

¹⁸ Siring sa nasasabi sa kasuratan, “Kun masakit nganing makaligtas an mga matanos, ano daw an mangyayari sa mga parakasala na habong magmidbid sa Dios?”

1 Pedro 4:18 ပူးပေါင်းရင်းမြစ်များ

Genesis 13:13

An nag-eerok sa Sodoma mga maraot na tawo asin mga parakasala sa Kagurangnan.

Mga Talinhaga 11:31

An matanos babalosan digdi sa daga, kaya laomon mo na papadusahan an maraot saka an parakasala.

Jeremias 25:29

Popoonan ko an pagraot sa sadiri kong syudad. Naghohona daw sinda na dai sinda mapapadusahan? Papadusahan sinda huli ta mapadara ako nin gera sa gabos na tawo sa kinaban. Ako, an Kagurangnan nin mga hukbo, an nagtaram.

Ezekiel 18:24

“Alagad kun an sarong matanos na tawo mag-ontok sa paggibo nin marahay dangan magpoon sa paggibo nin maraot saka makauuyam na mga bagay na ginigibo kan mga tampalasan, padagos daw siyang mabubuhay? Dai! Mayo sa mga matanos na bagay na ginibo niya an magigiromdoman. Magagadan siya, huli ta dai siya nagin maimbod asin huli kan saiyang mga kasalan.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Lukas 15:1

Sarong aldaw, nagdolok ki Jesus an dakul na parasingil nin buhis asin mga parakasala sa paghinanyog saiya.

Lukas 23:31

Huli ta kun an siring kaini ginigibo ninda sa sarong kahoy na berde, ano daw an mangyayari sa kahoy na alang?”

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

Mga Gibo 27:24

Sinabihan ako kan anghel, ‘Dai ka matakot, Pablo, huli ta kaipuhan umatubang ka ki Cesar; dahel saimo, ililigtas nin Dios sa kagadanan an gabos na kaiba mo sa barko.’

Mga Gibo 27:31

Alagad sinabihan ni Pablo an opisyal saka an mga soldados, “Kun an mga marinero humale sa sakayan, dai kamo makakaligtas.”

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

Roma 5:6

Kan kita mga maluya pa, nagadan si Cristo para sa mga makasalan, sa panahon na itinalaan nin Dios.

Roma 5:8

Alagad ipinahiling nin Dios an saiyang dakulang pagkamoot sato kan si Jesus nagadan para sato kan kita mga parakasala pa!

1 Corinto 10:12

Kaya an naghohona na pusog an tindog niya, maglikay ta tibaad siya matumba.

1 Timoteo 1:9

Dapat nindong giromdomon na an mga katogonan ginibo bakong para sa mga tawong matanos, kundi para sa mga paralapas asin mga kriminal, para sa mga daing Dios asin mga parakasala, para sa mga bakong banal asin mga habo sa kabanalan, para sa mga paragadan kan saindang mga magurang asin mga paragadan kan kapwa,

Hebreyo 4:1

Kaya mantang nagdadanay an panuga nin Dios na makakalaog kita sa pahingaloan niya, mag-ingat kita tanganing mayong masabi na dai kita nakapasar sa paglaog duman.

Santiago 5:6

Kinondenar nindo saka ginadan an mga tawong mayong sala, asin dai sinda minatumang saindo.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.

2 Pedro 3:7

Huli man sa pagboot nin Dios, an langit saka an daga na yaon ngunyan, natatagama para sa kalayo na iyo an matutong kaiyan sa Aldaw nin Paghukom asin nin pagtunaw sa gabos na maraot na tawo.

Judas 1:15

tanganing hukoman saka hatolan an gabos huli sa mga ginibo ninda tumang sa Dios, saka sa mangirhat na tataramon na sinabi kan mga parakasala tumang saiya!”

1 Samuel 15:18

sinugo ka niya asin pinagbotan na gadanon an makasalan na mga Amalekita. Pinagbotan ka niyang makilaban sagkod na maubos sinda.