1 Pedro 4:17 - Marahay na Bareta Biblia

¹⁷ Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?

1 Pedro 4:17 ပူးပေါင်းရင်းမြစ်များ

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Jeremias 25:29

Popoonan ko an pagraot sa sadiri kong syudad. Naghohona daw sinda na dai sinda mapapadusahan? Papadusahan sinda huli ta mapadara ako nin gera sa gabos na tawo sa kinaban. Ako, an Kagurangnan nin mga hukbo, an nagtaram.

Jeremias 49:12

“Kun an mga dai maninigong padusahan pinapainom sa kalis nin padusa, tadaw ta dai kamo dapat na padusahan? Dapat man kamong mag-inom sa kalis nin padusa!

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Lukas 23:31

Huli ta kun an siring kaini ginigibo ninda sa sarong kahoy na berde, ano daw an mangyayari sa kahoy na alang?”

Roma 1:1

Surat na hale ki Pablo na sorogoon ni Cristo Jesus, pinili asin inapod nin Dios na magin apostol tanganing maghulit kan Marahay na Bareta niya.

Roma 2:9

Sakit saka dusa an aakoon kan gabos na tawong maraot an gibo, enot an mga Judio, dangan an mga Griyego.

Galacia 3:1

Mga lolong na taga Galacia! Siisay an nakalumay saindo? Malinaw na ipinahayag saindo an pagkagadan ni Jesu-Cristo sa krus!

Galacia 5:7

Marahay an ginigibo nindo kaidto! Siisay an nag-olang saindo sa pagkuyog sa katotoohan?

Galacia 6:10

Kaya sa lambang oportunidad na itao sato, maggibo kita nin marahay sa gabos, orog nang gayo sa kapwa nyato paratubod.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

Hebreyo 11:8

Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.

Hebreyo 2:2

Napatunayan na totoo an mensaheng ipinahayag kan mga anghel sa satong mga ginikanan. Kaya an siisay man na dai nagsunod o nagkuyog kaiyan nag-ako kan padusa na maninigo saiya.

Hebreyo 2:4

Pinatunayan man iyan nin Dios sa paagi nin mga tanda, ngangalasan, manlaen-laen na milagro asin sa mga balaog na itinao nin Espiritu Santo sosog sa kabotan niya.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Hebreyo 5:9

Kan maotob na niya ini, siya nagin burabod nin kaligtasan na daing kataposan para sa gabos na nagkukuyog saiya.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 2:8

Nasasabi pa sa kasuratan, “Iyo ini an gapong masisingkogan nin mga tawo, an gapong makakapatumba sainda.” Nasingkog sinda huli ta dai sinda nagtubod sa tataramon nin Dios; iyo ini an itinalaga para sainda.