1 Pedro 4:15 - Marahay na Bareta Biblia

¹⁵ Alagad kun an saro saindo nagdudusa, bako man logod sa dahelan na siya paragadan, parahabon, paragibo nin maraot, o paraatom sa buhay kan iba.

1 Pedro 4:15 ပူးပေါင်းရင်းမြစ်များ

Exodo 22:2

Dapat niyang bayadan an saiyang hinabon; kun dai siyang ibabayad, siya an ipapabakal bilang oripon tanganing mabayadan niya an saiyang hinabon. Kun an hinabon na hayop, baka, asno o karnero man, buhay pang nakua sa saiya, an sarong hayop babayadan niya nin duwa. “Kun bangging nadakop asin nagadan an nagsalakat sa sarong harong, dai sasalaon an nakagadan. Alagad kun aldaw ini nangyari, sisimbagon niya an buhay kan nagadan.

Mateo 5:11

“Paladan kamo kun minumuda kamo, pinapasakitan asin pinapakaraot kan mga tawo dahel sako.

1 Tesalonica 4:11

Hingowahon nindo na mamuhay kamo na matoninong; atoman sana nindo an sadiri nindong buhay, asin magkaigwa kamo nin sadiring hanap-buhay, siring sa hatol mi saindo kaidto.

2 Tesalonica 3:11

Sinasabi mi ini huli ta nadangog mi na may mga hugakon diyan saindo na mayong ginigibo kundi makiaram sa buhay nin iba.

1 Timoteo 5:13

Laen pa kaiyan, makakanood pa sindang magsayang kan saindang panahon sa pangharong-harong; bako sana iyan kundi makakanood sindang maglibak saka makiaram sa iba, asin magtaram kan dai ninda dapat sabihon.

2 Timoteo 2:9

Huli sa Marahay na Bareta, nagdudusa ako; nakakadenahan na garo sarong kriminal. Alagad an tataramon nin Dios dai nakakadenahan,

1 Pedro 3:14

Alagad maski magtios kamo huli sa katanosan, magigin paladan kamo. Dai kamo matakot sa kiisay man; dai man kamo mahadit.

1 Pedro 3:17

Mas marahay pang magtios huli sa paggibo nin marahay kun iyan an kabotan nin Dios, ki sa magtios huli sa paggibo nin maraot.