1 Pedro 4:14 - Marahay na Bareta Biblia

¹⁴ Kun kamo pag-olog-ologon huli ki Cristo, paladan kamo, huli ta nangangahulogan iyan na an mapangyaring Espiritu nin Dios nasa saindo.

1 Pedro 4:14 ပူးပေါင်းရင်းမြစ်များ

1 Mga Hade 10:8

Paladan an saimong mga agom! Paladan an mga sorogoon mong ini, na danay na naglilingkod sa atubang mo asin naghihinanyog kan saimong kadonongan.

2 Mga Hade 2:15

Kan mahiling ini kan mga propetang taga Jerico, nagsabi sinda, “An kapangyarihan ni Elias yaon na ki Eliseo!” Nagdolok sinda sa pagsabat ki Eliseo asin nagdarapa sa saiyang atubang.

Salmo 146:5

Maogma an tawo na an tabang iyo an Dios ni Jacob, na an paglaom yaon sa Kagurangnan na saiyang Dios.

Salmo 49:9

tanganing padagos siyang mabuhay sagkod lamang, asin makaligtas sa lulubngan.

Salmo 89:51

Kagurangnan, an saimong linahidan tinutuya-tuya kan saimong mga kaiwal! Pinag-oolog-olog saen man siya magduman.

Isaias 11:2

An espiritu nin Kagurangnan maontok sa saiya, an espiritu nin kadonongan saka pakasabot, an espiritu nin hatol saka kosog, an espiritu nin pakaaram asin nin pagkatakot sa Kagurangnan.

Isaias 25:8

Hahalonon nin Kagurangnan Dios an kagadanan sagkod pa man, asin papahidon niya an mga luha sa gabos na lalawogon patin hahaleon niya an kasosopgan na tinios kan saiyang banwaan sa bilog na kinaban. An Kagurangnan an nagtaram!

Isaias 51:7

“Pagdangog kamo, kamo na nakakaaram kan katanosan, kamo na an nasa puso iyo an sakong katogonan. Dai kamo matakot kun pagtuya-tuyaon asin pag-olog-ologon kamo nin katawohan;

Mateo 5:11

“Paladan kamo kun minumuda kamo, pinapasakitan asin pinapakaraot kan mga tawo dahel sako.

Mateo 5:16

Dapat arog kamo kaiyan. Paliwanagon nindo an saindong ilaw sa gabos na tawo, tanganing mahiling ninda an mga marahay nindong gibo; huli kaiyan oomawon ninda an saindong Ama na nasa langit.

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Juan 15:21

Alagad gigibohon ninda ini gabos saindo dahel sako, huli ta dai ninda midbid an nagsugo sako.

Juan 8:48

Sinabihan si Jesus kan mga Judio, “Bakong tama an samong sinabi na Samaritano ka asin may demonyo?”

Juan 9:28

Minuda siya ninda saka sinabihan, “Ika an disipulo niya; alagad kami mga disipulo ni Moises.

Juan 9:34

Sinimbag ninda siya, “Namundag kang makasalan, asin ngunyan boot mo kaming tukdoan?” Kaya pinahale siya ninda sa sinagoga.

Mga Gibo 13:45

Kan mahiling kan mga Judio an kadakul na tawo, naori sinda; kaya diniskutir ninda si Pablo saka sinupog.

Mga Gibo 18:6

Kan sinalungat siya ninda saka pinag-olog-olog, pinagpag niya an alpog sa saiyang gubing dangan sinabihan sinda, “Kamo an babasolon kun kamo mapahamak; bakong ako! Magpoon ngunyan, maduman ako sa mga pagano.”

Mga Gibo 28:22

Kaya boot ming madangog an saimong mga sasabihon, huli ta aram ming maski saen na lugar, nagtataram an mga tawo tumang sa sektang iyan na kinabibilangan mo.”

Mga Gibo 5:41

Naghale sa Konseho an mga apostol na pano nin kaogmahan huli ta pinapagkanigo sinda nin Dios na magtios nin kasopogan sa ngaran ni Jesus.

2 Corinto 12:10

Huli ki Cristo, ikinakaogma ko an mga kaluyahan, mga pagtuya-tuya, mga pagtios, mga kasakitan saka mga kadipisilan. Huli ta kun ako maluya, dangan ako makosog.

2 Corinto 4:10

Sa gabos na oras dara mi sa samong mga hawak an kagadanan ni Jesus tanganing an saiyang buhay mahayag sa samong mga hawak.

2 Corinto 4:16

Kaya dai nanluluya an samuyang boot. Maski ngani an samong hawak pinanluluya na, alagad an samong espiritu pinapakosog aroaldaw.

Galacia 1:24

Kaya inomaw ninda an Dios dahel sako.

Hebreyo 11:26

Aram niya na an pagtios nin pag-olog-olog para ki Cristo mas mahalaga ki kan gabos na kayamanan sa Egipto, huli ta pinaglalaom niya an balos sa maabot na panahon.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 5:11

Inaapod tang paladan an mga nakatagal. Nadangog na nindo an dapit sa pagkamatinios ni Job; asin nahiling nindo an katuyohan nin Kagurangnan, na an Kagurangnan maboot saka maheherakon.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

1 Pedro 3:14

Alagad maski magtios kamo huli sa katanosan, magigin paladan kamo. Dai kamo matakot sa kiisay man; dai man kamo mahadit.

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.

1 Pedro 4:16

Kun igwa nin magtios huli ta siya sarong Cristiano, dai niya iyan ikasopog, kundi mag-omaw logod siya sa Dios huli ta dinadara niya an ngaran ni Cristo.

2 Pedro 2:2

Alagad dakul an masunod kan saindang ginigibong karompotan; dahel kan saindang gibo papakaraoton kan mga tawo an Dalan nin katotoohan.