1 Pedro 3:6 - Marahay na Bareta Biblia

⁶ Arog kaiyan an pagpagayon ni Sara; nagkuyog siya ki Abraham na inapod niyang saiyang kagurangnan. Kamo an mga aki ni Sara ngunyan kun maggibo kamo nin tama asin dai matakot sa anoman.

1 Pedro 3:6 ပူးပေါင်းရင်းမြစ်များ

Genesis 18:12

Kaya napangisi si Sara asin nagsabi sa iya man sana, “Ngunyan na pareho na kaming gurang nin marahay kan sakong agom makakakua pa daw ako nin kaogmahan sa pakipagdorog saiya?”

Genesis 18:15

Huli ta natakot si Sara, nagnegar siya asin nagsabi, “Dai man ako nagngisi.” “Iyo baga, nagngisi ka,” an simbag nin Kagurangnan.

Salmo 45:11

Mamawoton kan hade an saimong kagayonan; siya an saimong kagurangnan, kaya kuyogon mo siya.

Isaias 57:11

Nagsasabi an Kagurangnan, “Siisay an mga dios-dios na ini na natatakotan nindo, kaya nagibo nindong magputik sako asin malingawan ako? Dahelan daw an dai ko paggirong sa halawig na panahon kun kaya dai na nindo ako ginagalangan?

Mga Gibo 4:19

Alagad sinimbag sinda ni Pedro saka ni Juan, “Kamo an maghukom kun arin an tama sa atubang nin Dios: an pagkuyog saindo o an pagkuyog sa Dios?

Hukom 19:26

Kan nagliliwanag na, nag-abot an babae asin natumba sa may pintoan kan harong kan gurang na lalaki; duman na siya inabotan kan pagsirang kan aldaw.