1 Pedro 3:4 - Marahay na Bareta Biblia

⁴ Kundi magkaigwa kamo nin kagayonan na hale sa saindong puso, kaiba an dai mawawarang kayamanan nin sarong mahuyo asin matoninong na espiritu, na iyo an pinakamahalaga sa atubang nin Dios.

1 Pedro 3:4 ပူးပေါင်းရင်းမြစ်များ

Salmo 131:2

Nag-alo na ako asin nagtoninong. Siring sa sarong aki na matoninong sa daghan nin saiyang ina, matoninong man an sakong puso.

Salmo 147:6

Binabangon nin Kagurangnan an mga dukha, alagad an tampalasan rinoronot niya sa daga.

Salmo 149:4

Ikinakaogma nin Kagurangnan an saiyang banwaan; an mapakumbaba tinatawan niya nin kapangganahan.

Salmo 25:9

An mapakumbaba dinadara niya sa tamang agihan, asin pinapasabot kan saiyang kabotan.

Salmo 45:13

Nasa palasyo an prinsesa—anong gayon niya! Ginibo hale sa torsidong bulawan an gubing niya.

Salmo 51:6

Mawot mo an katotoohan sa lambang linalang, kaya panoa ako nin kadonongan.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 29:19

An mga dukha asin an mga mapakumbaba magkakamit kan kaogmahan na itinatao nin Kagurangnan, an banal na Dios nin Israel.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Jeremias 51:59

An parapamahala kan mga kagamitan kan hukbo ni Hadeng Zedekias iyo si Seraias, na aking lalaki ni Nerias saka makoapo ni Maseias. Kan ikaapat na taon kan paghahade ni Zedekias sa Juda, nag-iba si Seraias sa hade kan magduman ini sa Babilonia. Itinao ko kaidto ki Seraias an nagkapirang mga pagboot.

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.

Mateo 21:5

“Sabihan nindo an syudad nin Sion, Hilinga, an saimong hade madatong saimo. Siya mahuyo saka nakalunad sa sarong asno, asin sa sarong torilyong ogbon nin asno.”

Mateo 23:26

Fariseong buta! Hugasa ngona an sa laog kan tasa saka pinggan, tanganing magin malinig man an sa luwas!

Mateo 5:5

“Paladan an mga mahuyo, huli ta sinda an magmamana kan daga!

Lukas 11:40

Mga lolong! Dai nindo aram na an Dios na naggibo kan nasa luwas, iyo man an naggibo kan nasa laog?

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Roma 1:23

Tinalikodan ninda an Dios na mayong kagadanan; an sinamba ninda iyo an mga ginibong ladawan na kabaing sa mga tawo o mga gamgam o mga hayop na apat an bitis asin mga hayop na nagkakamang.

Roma 2:29

Kundi, an tunay na Judio iyo an Judio sa puso; an tunay na pagkaniserkomsisyon iyo an pagkaniserkomsisyon sa boot, sosog sa Espiritu Santo asin bakong sa nakasurat na Katogonan. An tawong siring kaiyan inoomaw nin Dios, bako nin tawo.

Roma 6:6

Aram ta na an dati tang pagkatawo ipinako sa krus kaiba ni Cristo, tanganing malaglag an makasalan na hawak asin dai na kita magin oripon nin kasalan.

Roma 7:22

Sa puso ko, maogma kong sinusunod an katogonan nin Dios.

2 Corinto 10:1

Ako, si Pablo, nakikiolay saindo sa kapakumbabaan asin sa kabootan ni Cristo. Sinasabi na ako daa maboot kun yaon saindo, alagad maisog kun harayo saindo.

2 Corinto 4:16

Kaya dai nanluluya an samuyang boot. Maski ngani an samong hawak pinanluluya na, alagad an samong espiritu pinapakosog aroaldaw.

Galacia 5:23

kahoyoan saka pagpugol sa sadiri. Mayo nin katogonan tumang sa mga bagay na ini.

Efeso 4:2

Magpakumbaba kamo, magin mahuyo asin matinios; magpatinios-tiosan kamo sa pagkamoot.

Colosas 3:12

Mga pinili kamo nin Dios; saiyang mga banal asin namomotan. Kaya magin kamong maheherakon, maboot, mapakumbaba, mahuyo, saka matinios.

Colosas 3:3

Huli ta nagadan na kamo, asin an saindong buhay natatago kaiba ni Cristo sa Dios.

1 Tesalonica 4:11

Hingowahon nindo na mamuhay kamo na matoninong; atoman sana nindo an sadiri nindong buhay, asin magkaigwa kamo nin sadiring hanap-buhay, siring sa hatol mi saindo kaidto.

2 Tesalonica 3:12

Sa ngaran ni Jesu-Cristo na Kagurangnan, pinagbobotan asin pinapatanidan mi an siring na mga tawo na magtrabaho nin marahay saka maghanap kan sadiring ikabubuhay.

1 Timoteo 2:2

para sa mga hade asin sa iba pang mga awtoridad, tanganing mamuhay kitang matiwasay, matoninong, magalang sa Dios asin ginagalangan.

2 Timoteo 2:25

patin mahuyo maski kun nagsasagwe kan saiyang mga kalaban, huli ta tibaad pa tawan sinda nin Dios nin oportunidad na makapagbakle saka makamidbid kan katotoohan.

Tito 3:2

Sabihan mo sinda na dai magtaram nin maraot, dapit sa kiisay man, maglikay sa iriwal, magin mahuyo asin magpahiling nin marahay na boot sa gabos na tawo.

Santiago 1:21

Kaya bayaan nindo an gabos na karapsakan saka maraot na ugale. Mahuyong akoon nindo an tataramon na itinanom nin Dios sa saindong mga puso, huli ta iyo iyan an maligtas saindo.

1 Pedro 1:23

Huli ta namundag kamo liwat bakong sa paagi nin tawo na nagagadan, kundi sa kapangyarihan kan tataramon nin Dios na buhay saka nagdadanay sagkod lamang.

1 Pedro 3:15

Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”