1 Pedro 3:3 - Marahay na Bareta Biblia

³ Dai kamo maggamit nin mga samno sa pagpagayon na panluwas sana, arog kan pagsalapid nin buhok, paggamit nin mga alahas, o pagsulot nin magayon na mga gubing.

1 Pedro 3:3 ပူးပေါင်းရင်းမြစ်များ

Genesis 24:22

Pakainom kan mga kamelyo, kinua kan sorogoon an sarong mamahalon na singsing asin duwang bulawan na pulseras dangan itinao ki Rebecca.

Genesis 24:47

Pakatapos, hinapot ko siya kun kiisay siyang aki. Nagsimbag siya, ‘Aki ako ni Betuel na aki ni Nahor asin Milca.’ Dangan tinawan ko siya nin singsing asin nin mga pulseras.

Genesis 24:53

Ilinuwas niya an darang alahas na plata asin bulawan saka mga gubing, dangan itinao an mga ini ki Rebecca; tinawan man niya nin mga mamahalon na regalo si Laban asin an saiyang ina.

2 Mga Hade 9:30

Nagduman si Jehu sa Jezreel. Kan mabaretaan ini ni Jezebel, kinoloran niya an palibot kan saiyang mga mata, pinakarahay an buhok asin nagdungaw sa bintana.

Esther 5:1

Kan ikatolong aldaw isinulot ni Esther an gubing niya bilang reyna asin nagtindog siya sa pinakalaog na patyo kan palasyo, sa atubangan kan sala kan hade. Nasa laog an hade asin nagtutukaw sa saiyang trono, nakaatubang sa pintoan.

Salmo 45:9

Mga aking daraga nin mga hade kabilang sa mga ginagalangan na babae sa saimong palasyo; nakatindog sa too mo an reyna, pinakamarahay na bulawan an sulot niya.

Exodo 3:22

An lambang babaeng Israelita mahagad nin gubing, alahas na plata asin bulawan sa saiyang mga kataed o sa mga Egipciong nag-eerok sa saiyang harong. Isusulot ninda iyan sa saindang mga aki, kaya madadara ninda an kayamanan kan mga Egipcio.”

Exodo 32:2

Sinabihan sinda ni Aaron, “Tanggalon nindo an mga hikaw na bulawan sa talinga kan saindong mga agom saka mga aki dangan darahon nindo sako.”

Exodo 33:4

Kan madangog ini kan mga Israelita, nagmondo sinda asin mayo nang nagsulot nin mga alahas.

Exodo 35:22

An gabos na boot magdolot, lalaki man o babae, nagdarara nin mga magayon na alpiler, hikaw, singsing, pulseras asin iba pang mga alahas na bulawan dangan idinolot ninda ini gabos sa Kagurangnan.

Exodo 38:8

Ginibo niya an bronseng palanggana asin an bronseng tumbawan hale sa mga salming kan mga babaeng naglilingkod sa pintoan kan Tabernakulo.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Jeremias 2:32

Malilingawan daw nin sarong daraga an saiyang mga alahas, o nin sarong nobya an saiyang gubing na pangkasal? Alagad nalingawan ako kan sakong banwaan sa halawig na panahon.

Jeremias 4:30

Jerusalem, hinukoman ka na! Tadaw ta naggugubing ka pa nin pula? Tadaw ta nagsusulot ka nin mga alahas saka kinokoloran mo an saimong mga mata? Mayo na nin halaga an pagpagayon mo. Isinikwal ka na kan saimong mga sambay asin boot ka nindang gadanon.

Ezekiel 23:40

Paulit-ulit na nagpasugo pa sinda sa mga lalaking gikan sa hararayong mga lugar asin nagdirigdi an mga ini. Nagkarigos an magtugang na babae, kinoloran an saindang mga mata asin nagsulot nin mga alahas, para sa mga lalaking ini.

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

1 Pedro 3:2

huli ta mahihiling ninda an saindong magalang asin mabining gawe.