1 Pedro 3:15 - Marahay na Bareta Biblia

¹⁵ Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.

1 Pedro 3:15 ပူးပေါင်းရင်းမြစ်များ

Salmo 119:46

Ibabareta ko man sa mga hade an saimong mga kabotan, asin dai ako mamumugtak sa kasopogan;

Mga Talinhaga 15:28

An matanos minaisip ngona bago magsimbag. An maraot minasimbag tolos, alagad nagigin dahelan kan ribok.

Mga Talinhaga 22:21

asin magtutukdo saimo kan katotoohan. Dangan kun ika sugoon sa pagsiyasat kan katotoohan, igwa ka nin ikakasimbag sa pagbalik mo.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 29:23

Kun mahiling na nindo an mga aki na itatao ko saindo, aakoon nindo na ako an banal na Dios nin Israel. Gagalangan nindo ako asin magkakaigwa kamo nin pagkatakot sa sako.

Isaias 41:21

An Kagurangnan, an hade nin Israel, nagsasabi kaini: “Kamong mga dios-dios kan mga nasyon, sangatan nindo an saindong kaso. Ipahayag nindo an saindong pinakamarahay na depensa!

Isaias 5:16

Alagad ipinapahiling kan Kagurangnan nin mga hukbo an saiyang kadakulaan huli sa paggibo nin tama, asin ipinapahayag niya an saiyang kabanalan huli sa paghukom kan saiyang banwaan.

Isaias 8:12

“Dai ka mag-apil sa mga plano kan mga tawo asin dai ka matakot sa mga bagay na saindang natatakotan.

Mga Bilang 20:12

Alagad tinuyaw nin Kagurangnan si Moises saka si Aaron, “Huli sa kakulangan kan saindong pagtubod na ipamidbid sa mga tawo an sakong banal na kapangyarihan, bako kamo an mangengenot sainda pasiring sa dagang ipinanuga kong itatao sainda.”

Mga Bilang 27:14

huli ta sinuhay nindo an sakong pagboot duman sa kalangtadan nin Zin. Kan magreklamo tumang sako an bilog na komunidad duman sa Meriba, dai nindo ipinamidbid an sakong banal na kapangyarihan sa atubangan ninda.” (An Meriba iyo an burabod sa Kades sa kalangtadan nin Zin.)

Mga Gibo 21:39

Sinabihan siya ni Pablo, “Judio ako na taga Tarso, sa Cilicia. Syudadano ako kan bantog na syudad na ini. Tugote man akong magtaram sa mga tawo.”

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Colosas 1:23

Alagad kaipuhan kamong magdanay na maimbod asin masarig sa pagtubod. Dai nindo ipagsuhay saindo an paglaom na nakua nindo kan madangog nindo an Marahay na Bareta. An Marahay na Baretang ini an ipinaghulit sa bilog na kinaban; ako, si Pablo, naging sarong sorogoon na naghuhulit kaiyan.

Colosas 1:27

Binoot nin Dios na ipahayag sa sainda kun gurano kadakula sa mga pagano an kayamanan kan kamurawayan kan misteryong ini. An misteryo iyo ini: si Cristo nasa saindo, saindong paglaom sa kamurawayan.

Colosas 1:5

Kan an totoong mensahe, an Marahay na Bareta, enot na ipaghulit saindo, nanodan nindo an paglaom na itinatangro saindo. Kaya an saindong pagtubod saka pagkamoot basado sa pinaglalaom nindo na tagama saindo sa langit.

Colosas 4:6

An saindong pakipag-olay sainda, kaipuhan danay na marahay saka makawiwili, asin kaipuhan tatao kamong magsimbag sa lambang saro.

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Hebreyo 6:1

Kaya bayaan ta an mga enot tang nanodan na doktrina dapit ki Cristo. Magpadagos kita sa pakanood asin bakong magparaulit-ulit kan dating katukdoan dapit sa pagbakle sa mga gibong nagdadara sa kagadanan asin dapit sa pagtubod sa Dios;

1 Pedro 1:17

Kun inaapod nindong Ama an Dios na masuripot na hinuhukoman an lambang saro sosog sa saiyang mga gibo, dapat man kamong maggalang saiya mantang nabubuhay pa kamo sa kinaban na ini.

1 Pedro 3:2

huli ta mahihiling ninda an saindong magalang asin mabining gawe.

1 Pedro 3:4

Kundi magkaigwa kamo nin kagayonan na hale sa saindong puso, kaiba an dai mawawarang kayamanan nin sarong mahuyo asin matoninong na espiritu, na iyo an pinakamahalaga sa atubang nin Dios.

1 Samuel 12:7

Tindog kamo sa saindong namumugtakan, asin susudyaon ko kamo sa atubangan nin Kagurangnan huli sa pagpagiromdom saindo kan mapangyaring gibo nin Kagurangnan sa pagligtas saindo asin sa saindong mga ginikanan.