1 Pedro 3:12 - Marahay na Bareta Biblia

¹² Huli ta binabantayan nin Kagurangnan an mga matanos, asin dinadangog niya an saindang pamibi; alagad saiyang kinakalaban an mga naggigibo nin karatan.”

1 Pedro 3:12 ပူးပေါင်းရင်းမြစ်များ

2 Mga Cronica 16:9

Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

2 Mga Cronica 7:15

Babantayan ko an Templong ini asin dadangogon ko an gabos na pamibi na gigibohon digdi,

Salmo 11:4

An Kagurangnan yaon sa saiyang banal na templo; yaon sa langit an saiyang trono. Minamasdan niya an mga tawo saen man na lugar asin aram niya an saindang ginigibo.

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Salmo 65:2

huli ta dinadangog mo an mga pamibi. An gabos na tawo saen man na lugar madolok saimo

Salmo 80:16

Sinulo iyan nin mga kaiwal asin pinalod; hilinga sinda asin tunawa kan saimong kaanggotan.

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Mga Talinhaga 15:3

An Kagurangnan naghihiling maski saen; minamasdan niya an maraot saka an marahay.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Jeremias 21:10

Nagdesisyon na ako na dai iligtas an syudad na ini kundi raoton. Itatao ini sa hade nin Babilonia, asin susuloon niya ini. Ako, an Kagurangnan, an nagtaram.”

Jeremias 39:12

“Hanapa si Jeremias saka atamana siya. Dai mo siya pagkulogon, kundi sunodon mo an boot niya.”

Ezekiel 15:7

asin papadusahan. Maski nakaligtas sinda sa sarong kalayo, alagad matututong man giraray sinda sa kalayo. Kun padusahan ko na sinda, maaaraman nindo na ako an Kagurangnan.

Levitico 17:10

Kun an sarong Israelita o dayuhan na nakikihimanwa sainda magkakan nin karne na igwa pa nin dugo, siya magigin kaiwal nin Kagurangnan asin dai na ibibilang na kaayon sa saiyang banwaan.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Levitico 20:6

“An siisay man na magduman sa mga espiritista asin maghagad sainda nin hatol, magigin kaiwal ko asin dai ko na ibibilang na kaayon sa sakuyang banwaan.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Deuteronomio 11:12

Sa bilog na taon, an Kagurangnan na saindong Dios an nag-aataman asin nagbabantay kan dagang iyan.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.