1 Pedro 3:10 - Marahay na Bareta Biblia

¹⁰ Siring sa nasusurat, “An siisay man na nagmamawot nin marahay na buhay asin nin maogmang mga aldaw, dapat maglikay sa pagtaram nin maraot, saka dai magputik.

1 Pedro 3:10 ပူးပေါင်းရင်းမြစ်များ

An Libro ni Job 2:4

Nagsimbag si Satanas, “Itatao nin tawo an gabos tanganing mabuhay sana.

An Libro ni Job 33:28

Dai niya itinugot na magduman ako sa kinaban kan mga gadan, asin buhay ako sagkod ngunyan!’

An Libro ni Job 9:25

“Mas marikas an sakong mga aldaw ki sa paradalagan; nagdadalagan an mga iyan, gabos mayong karahayan.

Salmo 106:5

Mahiling ko logod an pag-uswag kan saimong mga pinili, tanganing makahiras ako sa kaogmahan kan saimong nasyon, tanganing magmuraway ako kaiba kan saimong pamana.

Salmo 27:13

Minatubod akong mahihiling ko an pagkamarahayon nin Kagurangnan sa daga nin mga nabubuhay.

Salmo 49:19

maduman man siya sa lugar kan saiyang mga ginikanan, na dai na makakahiling nin liwanag sagkod pa man.

Mga Talinhaga 3:18

An kadonongan sarong kahoy nin buhay para sa mga namumugol saiya; an mga namumugol saiya nin maigot inaapod na paladan.

Mga Talinhaga 3:2

An katukdoan ko matao saimo nin halawig na buhay asin mauswag na pamumuhay.

Mga Talinhaga 4:22

Ini an nagtataong buhay asin marahay na hawak sa kiisay man na nakakasabot kaini.

Mga Talinhaga 8:35

Huli ta an nakakakua sako, nakakakua nin buhay, asin nawiwilihan siya nin Kagurangnan.

Parahulit 2:3

Sa maigot kong pagmawot na makamtan an kadonongan, nag-isip akong paogmahon an sakong hawak sa paagi nin arak asin nin kalolongan. Nagsaboot ako na tibaad iyo ini an pinakamarahay na paagi sa paggamit nin tawo kan halipot niyang buhay sa daga.

Mateo 19:17

Nagsimbag si Jesus, “Tadaw ta naghahapot ka sako kun ano an marahay? Saro sana an marahay—an Dios. Kun boot mong magkamit nin buhay otoba an mga togon.”

Markos 8:35

Huli ta an siisay man na namomoot magligtas kan saiyang buhay, mawawaraan kaiyan; alagad an siisay man na mawaran kan saiyang buhay dahel sako asin dahel sa ebanghelyo, magkakamit kaiyan.

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Juan 12:25

An siisay man na namomoot na magligtas kan saiyang buhay, mawawaraan kaiyan; alagad an siisay man na naoongis sa saiyang buhay sa kinaban na ini, magkakamit kaiyan para sa buhay na daing kataposan.

Deuteronomio 32:47

Mahalaga an mga katukdoan na ini; iyo ini an saindong buhay. Kuyogon nindo ini asin mahalawig an saindong buhay duman sa daga na nasa ibong kan Jordan, sa daga na saindong sasadirihon.”

Santiago 1:26

An naghohona na siya maki-Dios, alagad dai tataong magpugol kan saiyang dila, nagdadaya sa sadiri niya; an saiyang pagkamaki-Dios mayong halaga.

1 Pedro 2:1

Kaya halea nindo an gabos na karatan; an gabos na kaputikan, pagsagin-sagin, pagkaori asin pagpakaraot.

1 Pedro 2:22

Dai siya nagkasala; dai nanggad siya nagtaram nin putik.

Kapahayagan 14:5

Mayo nin kaputikan sa saindang ngoso; mayo sinda nin digta.