1 Pedro 2:18 - Marahay na Bareta Biblia

¹⁸ Mga sorogoon, kuyogon nindo asin galangan an saindong mga kagurangnan, bako sana an mga maboot saka mga mahuyo, kundi man an mga makuri.

1 Pedro 2:18 ပူးပေါင်းရင်းမြစ်များ

Salmo 101:4

An karatan sa puso magigin harayo sako; dai ako makikilabot sa anoman na maraot.

Mga Talinhaga 10:32

An matanos nagtataram kan mahuyong tataramon, alagad an maraot nagtataram kan mga bagay na nakakakulog.

Mga Talinhaga 11:20

Ikinakauyam nin Kagurangnan an mga tawong may bikong kaisipan, alagad ikinakaogma niya an mga tawong naggigibo nin matanos.

Mga Talinhaga 3:32

Huli ta ikinakaongis nin Kagurangnan an tawong naggigibo nin karatan, alagad an mga tawong matanos saiyang inaataman.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

2 Corinto 10:1

Ako, si Pablo, nakikiolay saindo sa kapakumbabaan asin sa kabootan ni Cristo. Sinasabi na ako daa maboot kun yaon saindo, alagad maisog kun harayo saindo.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Tito 3:2

Sabihan mo sinda na dai magtaram nin maraot, dapit sa kiisay man, maglikay sa iriwal, magin mahuyo asin magpahiling nin marahay na boot sa gabos na tawo.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.