1 Pedro 2:1 - Marahay na Bareta Biblia

¹ Kaya halea nindo an gabos na karatan; an gabos na kaputikan, pagsagin-sagin, pagkaori asin pagpakaraot.

1 Pedro 2:1 ပူးပေါင်းရင်းမြစ်များ

An Libro ni Job 36:13

“An mga bakong diosnon nagpapadagos sa pagigin anggot, asin dai minahagad nin tabang maski pinapadusahan.

Salmo 32:2

Paladan an tawong dai sinasala nin Kagurangnan, an tawong mayo nin daya.

Salmo 34:13

Pugolan nindo an saindong dila sa pagtaram nin karatan, asin an saindong ngoso sa pagtaram nin kaputikan.

Salmo 37:1

Dai ka mahadit huli kan tampalasan; dai ka maara sa mga naggigibo nin karatan.

Salmo 73:3

huli ta naara ako sa mga mapaabaw-abaw, kan mahiling ko an kauswagan kan tampalasan.

Mga Talinhaga 14:30

An isip na matoninong minatao nin marahay na hawak, alagad an pag-imon nakakaagid sa helang na kanser.

Mga Talinhaga 24:1

Dai ka maori sa mga tawong maraot, ni maghingowa na magin katood sinda.

Mga Talinhaga 24:19

Dai ka mahandal huli kan mga tawong naggigibo nin karatan; dai ka maori sa sainda.

Mga Talinhaga 3:31

Dai ka maori sa madahas na tawo o mag-isip na arogon an saiyang gibo.

Isaias 2:20

Sa aldaw na iyan, an saindang mga dios na plata saka bulawan itatapok kan katawohan sa mga kino saka mga paniki, mga dios na saindang ginibo tanganing sambahon.

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Mateo 15:7

Mga parasagin-sagin! Tama nanggad si Isaias kan siya magpropesiya dapit saindo:

Mateo 23:28

Siring man kamo kaiyan, sa luwas malinig paghilingon, alagad sa laog pano nin pagsagin-sagin asin mga karatan.

Mateo 24:51

asin papadusahan siya nin kagadanan saka ibubugtak sa kaibahan kan mga parasagin-sagin. Duman siya magtatangis asin magraragot an saiyang mga ngipon.

Mateo 7:5

Parasagin-sagin! Halea ngona an dakulang ati sa mata mo tanganing makahiling ka nin marahay; dangan pwede mo nang mahale an sadit na ati sa mata kan saimong tugang.

Markos 12:15

Alagad aram ni Jesus an pagsagin-sagin ninda kaya sinabihan niya sinda, “Tadaw ta pinapatalukso nindo ako? Tawe ako nindo nin kwartang plata asin hihilingon ko.”

Lukas 11:44

Herak man saindo! Garo kamo mga lulubngan na mayong mga tanda, kaya binabatayan nin mga tawo na dai ninda aram.”

Lukas 12:1

Mantang rinibong tawo an nagkatiripon, mala ta nagkakatorongtongan na sinda, enot na tinaraman ni Jesus an mga disipulo, “Mag-ingat kamo sa lebadura kan mga Fariseo na iyo an pagsagin-sagin.

Lukas 6:42

Paanong masasabi mo sa saimong tugang, ‘Tugang ko, haleon ko daw an ati sa mata mo,’ kun dai mo ngani nahihiling an dakulang ati sa sadiri mong mata? Parasagin-sagin! Halea ngona an dakulang ati sa mata mo tanganing makahiling ka nin marahay; dangan pwede mo nang mahale an sadit na ati sa mata kan saimong tugang.

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

Roma 1:29

Pano sinda nin gabos na katampalasan, karatan, kapasloan asin bisyo. Mga maori sinda, mga paragadan, parapakiiwal, madaya saka maati an isip. Tsismoso sinda,

1 Corinto 14:20

Mga tugang, dai kamo mag-isip na garo aki. Kun manongod sa karatan, magin kamong siring sa aki, alagad mag-isip kamo siring sa gurang.

1 Corinto 5:8

Kaya selebraron nindo an satong Paskwa, sa paagi kan tinapay na mayo nin lebadura—an tinapay nin kalinigan saka katotoohan—bakong sa paagi kan tinapay na may daan na lebadura, na iyo an lebadura nin karatan saka karigsokan.

2 Corinto 12:20

Natatakot ako na pag-abot ko diyan, iba kamo sa linalaom kong mahiling; ako man iba sa linalaom nindong mahiling. Natatakot ako na tibaad an maabotan ko mga iriwal, ororihan, aranggotan, irimotan, rilibakan, pakaraot, kapaabaw-abawan saka kariribokan.

Efeso 4:31

Ontokon na nindo an mga kapaitan, pagkaongis, kaanggotan, pagkurahaw, pakaraot saka mga maraot sa boot.

1 Tesalonica 2:3

An samong pagsadol saindo bakong gikan sa sala o maraot na katuyohan, o sa isip na dayaon an siisay man.

1 Timoteo 3:11

An saindang mga agom dapat marahay man an ugale, bakong paralibak, dai nagbuburat asin maimbod sa gabos na bagay.

Tito 2:3

Siring man sadolon mo an gurang na mga babae na mamuhay na banal. Dai sinda dapat magin mga parapakaraot, o mga paraburat. Magtukdo sinda kan marahay,

Hebreyo 12:1

Kaya huli ta napapalibotan kita nin kadakul na saksi, haleon ta na an gabos na bagay na nakakaolang, saka an kasalan na nakakapurupot sato, dangan padagos tang dalaganon na daing ontok an ipinapadalagan sato.

Santiago 1:21

Kaya bayaan nindo an gabos na karapsakan saka maraot na ugale. Mahuyong akoon nindo an tataramon na itinanom nin Dios sa saindong mga puso, huli ta iyo iyan an maligtas saindo.

Santiago 3:14

Alagad kun sa puso nindo igwa nin pag-ori, kapaitan saka kapasloan, dai kamo mag-orgulyo asin dai kamo magkasala sa katotoohan.

Santiago 4:11

Mga tugang, dai kamo magpakaraot sa kapwa. An siisay man na magpakaraot o maghukom sa kapwa niya, nagtataram tumang sa Katogonan asin naghuhukom kaiyan. Kun hinuhukoman mo an Katogonan, dai ka nagsusunod kaiyan, kundi ika na an naghuhukom kaiyan.

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”

Santiago 5:9

Mga tugang, dai kamo maghinanakit sa kapwa tanganing dai kamo hukoman. An Hukom madali nang mag-abot!

1 Pedro 2:16

Mamuhay kamo siring sa mga tawong talingkas; alagad dai nindo paggamiton an saindong katalingkasan sa paggibo nin maraot. Mamuhay kamo siring sa mga oripon nin Dios.

1 Pedro 2:22

Dai siya nagkasala; dai nanggad siya nagtaram nin putik.

1 Pedro 3:10

Siring sa nasusurat, “An siisay man na nagmamawot nin marahay na buhay asin nin maogmang mga aldaw, dapat maglikay sa pagtaram nin maraot, saka dai magputik.

1 Pedro 4:2

Poon ngunyan gamiton nindo an natatada pang panahon sa buhay na ini sosog sa kabotan nin Dios, bakong sosog sa mga kamawotan nin laman.

1 Pedro 4:4

Nagngangalas an mga pagano ta dai na kamo ngunyan nakikiiba sainda sa maraot na pamumuhay, kaya pinapakaraot ninda kamo.

Kapahayagan 14:5

Mayo nin kaputikan sa saindang ngoso; mayo sinda nin digta.