1 Pedro 1:17 - Marahay na Bareta Biblia

¹⁷ Kun inaapod nindong Ama an Dios na masuripot na hinuhukoman an lambang saro sosog sa saiyang mga gibo, dapat man kamong maggalang saiya mantang nabubuhay pa kamo sa kinaban na ini.

1 Pedro 1:17 ပူးပေါင်းရင်းမြစ်များ

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

1 Mga Cronica 29:15

Mga dayuhan kami sa atubangan mo; mga nakikihimanwa, arog kan samong mga ginikanan. An samong mga aldaw arog sa sarong anino, asin dai magdadanay.

2 Mga Cronica 19:7

Kaya magkaigwa kamo nin takot sa Kagurangnan asin isipon nindo nin marahay an saindong ginigibo, huli ta an Kagurangnan na satuyang Dios dai nagbibiko nin hustisya, mayong kinikilingan asin dai nag-aako nin suhol.”

An Libro ni Job 34:19

na dai nagpapahiling nin pagpapalaen sa mga prinsipe, ni minapaorog sa mayaman ki sa dukha, huli ta gabos sinda gibo kan saiyang mga kamot?

Salmo 39:12

Hinanyoga an sakuyang pamibi, Kagurangnan, asin dangoga an sakuyang inagrangay; kun ako maghibi dumolok ka sa pagtabang. Ako saro sanang bisita, sarong dayuhan, arog kan sakong mga ginikanan.

Salmo 89:26

Masabi siya sako, ‘Ika an sakuyang Ama, sakuyang Dios, asin an Gapo nin sakuyang kaligtasan!’

Mga Talinhaga 14:16

An Tawong madonong maingat asin minalikay sa karatan, alagad an lolong mayo nin pag-ingat asin mayo nin pagpupugol sa sadiri.

Mga Talinhaga 28:14

Paladan an tawong danay na may pagkatakot sa Kagurangnan, alagad mapapahamak an matagas an payo.

Jeremias 3:19

Nagsasabi an Kagurangnan, “Israel, binoot kong akoon ka bilang sakong aking lalaki asin tawan ka nin sarong matubang na daga, an daga na pinakamagayon sa bilog na kinaban. Binoot kong apodon mo akong ama, asin dai ka na nanggad matalikod sako.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 22:16

Kaya pinaduman ninda ki Jesus an saindang mga disipulo kaiba an nagkapirang tawohan ni Herodes. Nagsabi an mga ini, “Maestro, aram mi na bako kang putikon, talagang itinutukdo mo an kabotan nin Dios. Dai kang pinapalaen na tawo ta dai mo tinatawan nin halaga kun ano an katongdan ninda.

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Roma 11:20

Totoo iyan. Pinutol sinda huli ta dai sinda nagtubod, mantang ika isinugpon dahel ta nagtubod ka. Alagad dai ka magpaabaw-abaw, kundi matakot ka.

2 Corinto 1:2

Mapasaindo logod an biyaya asin katoninongan nin Dios na satong Ama asin ni Jesu-Cristo na Kagurangnan.

2 Corinto 5:6

Kaya danay na makosog an samong boot. Aram mi na mantang nag-eerok pa kita sa hawak na ini, harayo pa kita sa erokan nin Kagurangnan.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

2 Corinto 7:11

Hilinga kun ano an nagin bunga kan kamondoan na hale sa Dios: nagin kamong mahigos saka maigot sa pagpatotoo na mayo kamo nin sala. Naanggot kamo, nahandal, nagmawot, naghinigos asin naghingowa na mapadusahan an nagkasala. Kaya ipinahiling nindo na mayo kamo nin sala sa bagay na ini.

Galacia 2:6

Alagad mayo na nin idinagdag sa sinabi ko an mga midbid na mga lider na idto. (Sinasabi ko ini huli ta para sako mayo nin kalaenan kun ano sinda kaidto, huli ta mayong pinapalaen an Dios.)

Efeso 1:17

hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Efeso 3:14

Huli kaini, minaluhod ako sa atubang kan Ama,

Efeso 6:9

Mga kagurangnan, siring man an gibohon nindo sa saindong mga oripon; dai nindo sinda pagpatakoton. Giromdomon nindo na kamo saka an saindong mga oripon sakop kan saro sanang Kagurangnan na yaon sa langit. Mayo siyang pinapalaen na tawo.

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Colosas 3:25

An naggigibo nin maraot babalosan man para sa maraot na ginibo niya, huli ta mayo nin pinapalaen an Dios.

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Hebreyo 4:1

Kaya mantang nagdadanay an panuga nin Dios na makakalaog kita sa pahingaloan niya, mag-ingat kita tanganing mayong masabi na dai kita nakapasar sa paglaog duman.

1 Pedro 2:11

Mga namomotan kong tugang, nakikiolay ako saindo na kamo, bilang mga dayuhan saka mga nasa destyero sa kinaban na ini, dai kamo magpadaog sa mga kamawotan kan laman na danay na nakikilaban sa mga kalag nindo.

1 Pedro 3:15

Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.