1 Pedro 1:13 - Marahay na Bareta Biblia

¹³ Kaya andamon nindo nin marahay an saindong mga isip; magmaan kamo; ibugtak nindo an saindong bilog na paglaom sa biyaya na itatao saindo kun ihayag na si Jesu-Cristo.

1 Pedro 1:13 ပူးပေါင်းရင်းမြစ်များ

1 Mga Hade 18:46

An kapangyarihan kan Kagurangnan duminatong ki Elias; kinaluskos niya an saiyang gubing, ibinugkos sa saiyang habayan dangan nagdalagan; naenotan niya si Ahab sa pag-abot sa palaog kan Jezreel.

2 Mga Hade 4:29

Sinabihan ni Eliseo si Gehazi, “Paghidali! Daraha an sugkod ko asin lakaw. Kun may masabat ka, dai ka mag-ontok tanganing komustahon siya; kun may magkomusta saimo, dai mo siya pagsimbagon. Ibugtak mo an sakong sugkod sa lalawogon kan aki.”

An Libro ni Job 38:3

Tumindog ka siring sa sarong lalaki asin simbagon mo an mga hapot ko.

An Libro ni Job 40:7

“Tumindog ka siring sa sarong lalaki; hahapoton taka, asin simbagon mo ako.

Exodo 12:11

Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Isaias 11:5

Paghahadean niya an saiyang banwaan na may katanosan saka kaimbodan.

Jeremias 1:17

Mag-andam ka, Jeremias; lakaw asin sabihan mo sinda kan gabos na ipinagboboot kong sabihon mo sainda. Dai ka ngunyan matakot sa sainda, huli ta kun matakot ka, gigibohon kong orog kang matakot kun nasa kaibahan ka na ninda.

Mateo 20:4

Inalok niya sinda na magtrabaho sa saiyang ubasan asin na babayadan sinda kan tamang tandan. Kaya nagduman sinda.

Lukas 12:35

“Magin andam kamo, asin palaada an saindong mga ilawan.

Lukas 17:30

Arog man kaiyan sa aldaw na magpahiling an Aki nin Tawo.

Lukas 17:8

Dai nanggad! Kundi, ini an sasabihon nindo saiya, ‘Andama an sakong pamanggihan, dangan magsangle ka asin maglingkod sako mantang nagkakakan ako. Pakatapos ko, pwede ka nang magkakan.’

Roma 13:13

Mamuhay kitang matanos bilang mga tawong namumuhay sa liwanag; dai ta pagsayangon an oras nyato sa sobrang pag-orogma o irinoman, kapasloan o karigsokan, iriwal o ororihan.

Roma 8:19

An gabos na linalang tudok sa puso na naghahalat na ihayag kan Dios an saiyang mga aki.

1 Corinto 1:7

Kaya nag-ako kamo kan gabos na balaog na espiritwal, mantang naghahalat kamo na mahayag si Jesu-Cristong Kagurangnan ta.

1 Corinto 13:13

Kaya, ining tolo an nagdadanay: pagtubod, paglaom saka pagkamoot; alagad an pinakadakula sa mga ini iyo an pagkamoot.

Efeso 6:14

Kaya magin andam kamo! Ihagkos nindo sa habayan an katotoohan, saka itahob nindo sa saindong daghan an katanosan.

Colosas 3:4

Kun magpahiling na si Cristo, an tunay nindong buhay, kamo man matunga kaiba niya sa kamurawayan!

2 Tesalonica 1:7

Kamo na nagtitios tatawan niya nin kapahingaloan kaiba nyamo, pagdatong kan Kagurangnan na Jesus hale sa langit sa naglalaad na kalayo kaiba an saiyang mapangyaring mga anghel,

2 Timoteo 4:5

Alagad magdanay ka sanang masarig sa gabos na oras; tioson mo an kasakitan, gibohon mo an trabaho nin sarong parabalangibog kan Marahay na Bareta, asin otobon mo an bilog mong katongdan bilang sorogoon nin Dios.

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Hebreyo 10:35

Kaya dai kamo mawaraan nin kosog nin boot huli ta may katimbang ining dakulang balos.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Hebreyo 6:19

Sa paglaom na ini, igwa kita nin masarig asin makosog na angkla kan satong buhay; paglaom na minalagbas sa kurtina kan templo sagkod sa kabanal-banaleng lugar.

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.

1 Pedro 1:10

Manongod kan kaligtasan na ini, an mga propeta kaidto maigot na nagsiyasat asin naghapot; ipinaghula ninda an biyayang ini na itatao nin Dios saindo.

1 Pedro 3:15

Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.

1 Pedro 4:7

Harani na an kataposan kan gabos na bagay. Kaya dapat magkaigwa kamo nin malinaw na isip asin pagpupugol sa sadiri, tanganing makapamibi kamo.

1 Pedro 5:12

Nagsurat ako saindo kaining halipot na surat sa tabang ni Silas na ibinibilang kong maimbod na tugang. Boot kong pakosogon an saindong boot asin magpatotoo na iyo ini an tunay na biyaya nin Dios. Magdanay kamo sa biyayang ini.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.

1 Juan 3:3

An siisay man na igwa kan paglaom na ini ki Cristo nagdadanay na malinig, arog ki Cristo.