1 Pedro 1:10 - Marahay na Bareta Biblia

¹⁰ Manongod kan kaligtasan na ini, an mga propeta kaidto maigot na nagsiyasat asin naghapot; ipinaghula ninda an biyayang ini na itatao nin Dios saindo.

1 Pedro 1:10 ပူးပေါင်းရင်းမြစ်များ

Genesis 49:10

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

Mga Talinhaga 2:4

kun hanapon mo ini arog kan paghanap nin tawo sa plata asin hanapon iyan siring sa paghanap sa natatagong kayamanan—

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 9:3

Namibi ako nin maigot sa Kagurangnan Dios, nakimaherak saiya, nag-ayuno, nagsulot nin sako asin nagtukaw sa abo.

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Zacarias 6:12

Taraman mo siya na an Kagurangnan nin mga hukbo nagsasabi, ‘An lalaking inaapod An Sanga magtatalubo sa namumugtakan niya asin iyo an mapatindog giraray kan Templo nin Kagurangnan.

Mateo 13:17

Sa katotoohan sinasabihan ko kamo, dakul na propeta asin matatanos na tawo an boot nanggad makahiling kan nahihiling nindo, alagad dai nakahiling; asin makadangog kan nadadangog nindo alagad dai nakadangog.

Mateo 26:24

Magagadan an Aki nin Tawo siring sa nasusurat manongod saiya, alagad herak man sa tawong mapasaluib sa Aki nin Tawo! Mas marahay pang dai na siya namundag!”

Lukas 10:24

Huli ta sinasabihan ko kamo, na dakul na propeta asin mga hade an nagmawot na makahiling kan nahihiling nindo, alagad dai nakahiling kaiyan; nagmawot sindang makadangog kan nadadangog nindo alagad dai nakadangog kaiyan.”

Lukas 24:44

Pakatapos, sinabihan niya sinda, “Iyo ini an mga sinabi ko saindo kan kaiba pa nindo ako: dapat maotob an gabos na isinurat dapit sako sa Katogonan ni Moises, sa kasuratan kan mga propeta asin sa mga Salmo.”

Juan 5:39

Pinag-aadalan nindo an mga Kasuratan, huli ta naghohona kamong diyan makukua an buhay na daing kataposan. An mismong mga kasuratan an nagpapatotoo dapit sako!

Juan 7:52

Nagsimbag sinda, “Taga Galilea ka man? Adalan mo an mga kasuratan ta mahihiling mo na mayong propetang magikan sa Galilea.”

Mga Gibo 10:43

An gabos na propeta nagpatotoo dapit ki Jesus, na an siisay man na minatubod saiya papatawadon kan mga kasalan huli sa ngaran niya.”

Mga Gibo 17:11

An mga Judio duman mas andam na mag-ako kan mensahe ki kan mga idtoon sa Tesalonica. Maogma nindang inako an tataramon; aroaldaw nag-aadal sinda kan mga Kasuratan sa pagsiyasat kun totoo mananggad an pinagsasabi ni Pablo sainda.

Mga Gibo 28:23

Kaya nagtalaan sinda nin sarong aldaw. Pag-abot kan aldaw na iyan, dakul na tawo an nagduman sa pinag-eerokan ni Pablo. Poon aga sagkod banggi, ipinaliwanag niya sainda an Kahadean nin Dios saka hiningowa niyang magtubod sinda ki Jesus sa paagi kan Katogonan ni Moises saka kan sinurat kan mga propeta.

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.

Hebreyo 11:13

Sinda gabos nagadan na may pagtubod. Dai ninda inako an ipinanuga nin Dios, alagad natanaw ninda idto sa harayo na ikinaogma ninda. Inako ninda na mga dayuhan sinda asin mga destyero sa kinaban.

Hebreyo 11:40

huli ta an Dios igwa nin mas marahay na plano para sato, na kun bakong sa kaibahan ta, dai sinda magkakaigwa nin kapanoan.

1 Pedro 1:11

Siniyasat ninda kun nuarin asin kun paano mangyayari an mga sakit na titioson ni Cristo dangan an kamurawayan na maabot na ipinaghula kan Espiritu ni Cristo na yaon sainda.

1 Pedro 1:13

Kaya andamon nindo nin marahay an saindong mga isip; magmaan kamo; ibugtak nindo an saindong bilog na paglaom sa biyaya na itatao saindo kun ihayag na si Jesu-Cristo.